Efɛzfuɛ Mun 4:2 - NYANMIƐN NDƐ'N 1998

² Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Nyanmien nde Ufle

² Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Efɛzfuɛ Mun 4:2 ပူးပေါင်းရင်းမြစ်များ

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Jue Mun 45:4

Safunyrɛn, fa ɔ tokofi'n san ɔ nvɛn wun. Ɔ tokofi sɔ'n ti yɛ man be wun kɛ a lɛ nyrun nan a ti gbanflɛn nin-ɔn.

Nyanndra Mun 16:19

Kɛ a nin wun tufuɛ'n amún bo ko yo kun amun ko cɛ like nga be nyɛn i alɛ nun'n be ko fa'n, ɔ flunman kɛ a kan ɔ́ wun ase nan a nin yalɛfuɛ'm be tran.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Akunndanfuɛ'n 7:8

Like kwlaa i agualiɛ'n ɔ ti kpa trɛ i bo bolɛ'n. Amlin dilɛ ti kpa tra bé wun tulɛ.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Marc 9:19

Yɛ Jésus usali kɛ: «?Amun ajulisufuɛ mun bɔ an lafi-man sa su'n, min nin amun ´tran lele fa ju cɛn onin? ?Yɛ n ´tra min anwlɛn amún wun lele fa ju cɛn onin? An `fɛ i blɛ min.»

Sa nga bé yôli'n 20:19

Kɛ n ´di min Min'n i junman'n, min nyin yi i, n nyinmuɛn gua, n wun nyrɛnnɛn kpa min wun ndɛ bɔ Zuif'm be cici'n ti.

Rɔmfuɛ Mun 15:1

E bɔ e wun sa sɔ'n i wlɛ kpa'n, man e uka be nga be wun-mɛn i wlɛ kpa'n, nán man e `yo like ng'ɔ jɔ e bɔbɔ e klun'n.

1 Korɛntfuɛ Mun 13:7

Sran b'ɔ klo sran'n, sa'n kwlaa sɔn i nun, sa'n kwlaa nun ɔ lafi Nyanmiɛn su, i wla'n wo i su, ɔ trɛ i anwlɛn sa'n kwlaa nun, yɛ ɔ si-man afɛ.

Galasifuɛ Mun 6:2

Sɛ an wun amun niaan kun bɔ i trɔ'n su ti i'n, an `ukɛ i. Sɛ an yo i sɔ'n, wuun amu'an wie Krist mmla'n su fa.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

Jacques 1:21

I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .

1 Piɛr 3:8

Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.