Efɛzfuɛ Mun 3:9 - NYANMIƐN NDƐ'N 1998

⁹ Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Nyanmien nde Ufle

⁹ Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Efɛzfuɛ Mun 3:9 ပူးပေါင်းရင်းမြစ်များ

Jue Mun 33:6

Anannganman i nuan nun ndɛ'n yɛ ɔ fa yili nyanmiɛn b'ɔ la nglo lɔ plaii nin-ɔn. I nuan b'ɔ ukeli i sa'n, kpɛkuun nzraama'm be fiteli .

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Matthieu 10:27

Ndɛ nga n kan kle amun aosin nun'n, an `kɛn wia nun, yɛ ndɛ nga be tu i aswre kle amun'n, an `ko bo i ndolo.

Matthieu 13:35

Kɛ ɔ ´yo nan ndɛ nga Nyanmiɛn nuan ijɔfuɛ'n ɔ kannin'n, ɔ'a kpɛn su'n ti yɛ ɔ kɛnnin i sɔ-ɔ. Ɔ seli kɛ: «N ´uke min nuan'n, m ´bu nyanndra, Yɛ ninnge nga be fia su kɛ ɔ fin mɛn'n i bo bolɛ nun'n, n ´kɛn i ndɛ kle amun .»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Jean 10:30

Min nin n Si e ti kun.»

Jean 5:17

Sanngɛ Jésus seli be kɛ: «Cɛn kwlakwlakwla n Si di junman, n kusu n di junman.»

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Efɛzfuɛ Mun 3:2

Sa nga Nyanmiɛn i klun-ufue'n ti ɔ man n yo man amun'n, n lafi su kpa kɛ an tili.

Efɛzfuɛ Mun 6:19

Yɛ an `srɛ i ekun kɛ kɛ n uke min nuan'n, ɔ kle min ndɛ nga n kan-an ɔ ti su'n yɛ n yi jasin fɛ'n b'ɔ fiɛli i sran'm be nyrun'n i nglo kle be weiin yakpa su,

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:26

I ndɛ sɔ'n, kɛ ɔ fin lalafuɛ nun'n, ɔ fiɛli i sran'm be kwlaa be nyrun, sanngɛ siɛn'n ɔ'a yi i nglo a kle i sran mun.

Kolɔsfuɛ Mun 3:3

afin an wuli, ɔ man olɛ nga an wo lɛ ndɛ'n, an wo Nyanmiɛn sa nun, afin ɔ'a fa amun nin Krist a fiɛ i wun lɔ.

Kolɔsfuɛ Mun 4:3

Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

2 Tɛsalonikfuɛ Mun 2:13

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .

Sa nglô yile 4:11

«E Min Nyanmiɛn, kɛ be ´yi wɔ ayɛ be ´manman wɔ bɔ be se kɛ a kwla sa'n kwlaa yo'n i su-ɔ, afin wɔ yɛ a yili like'n kwlaa-a, a klo kɛ a ´yi be ti yɛ a yili be-ɔ, yɛ ɔ ti yɛ be o lɛ-ɔ .»