Efɛzfuɛ Mun 3:2 - NYANMIƐN NDƐ'N 1998

² Sa nga Nyanmiɛn i klun-ufue'n ti ɔ man n yo man amun'n, n lafi su kpa kɛ an tili.

Nyanmien nde Ufle

² Sa nga Nyanmien i klun-ufué'n ti o man n yô man amun'n, n lafi su kpa ke an tili.

Efɛzfuɛ Mun 3:2 ပူးပေါင်းရင်းမြစ်များ

Sa nga bé yôli'n 13:2

Le kun kɛ be ´kpɛ srɛ nun bɔ be ´yo asɔnun'n, Nyanmiɛn Wawɛ'n seli be kɛ: «An `fa Barnabas nin Sɔl man min man be di junman nga ti yɛ n flɛli be'n.»

Sa nga bé yôli'n 13:46

Sanngɛ Pɔl nin Barnabas be trali be anwlɛn be kan kleli be weiin kɛ: «Amun yɛ be waan e `dun mmua kan Nyanmiɛn ndɛ'n e kle amun-ɔn, sanngɛ kɛ amu'an fa-man'n, bɔ an bu i kɛ anannganman nguan'n nin amun fata-man'n, i ti e ´kpɛ é nyin kɔ be bɔ be ti-man Zuif'n bé sin.

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 11:13

Amun bɔ amun osu'n ti-man Zuif'n, amun yɛ n kan ndɛ nga kle amun-ɔn. Nyanmiɛn sunmannin min be bɔ be ti-man Zuif'n bé sin, yɛ n fa junman sɔ'n di min nuan.

Rɔmfuɛ Mun 12:3

Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

1 Korɛntfuɛ Mun 4:1

I sɔ'n ti, man sran'm be si kɛ e ti Krist i ukafuɛ bɔ e nian like nga Nyanmiɛn fiɛli i sran'm be nyrun'n be su.

Galasifuɛ Mun 1:13

Laa bɔ n tɛ o Zuif'm be Nyanmiɛn sulɛ nun'n, an tili sa nga n yoli'n, n kleli Nyanmiɛn i Asɔnun'n yalɛ lele trali yalɛ klelɛ su, min waan n ´nunnun i.

Efɛzfuɛ Mun 1:10

Sa sɔ'n bɔ i waan ɔ ´yo'n, sɛ i cɛn'n ju'n, ɔ ´yo. Sa sɔ'n yɛlɛ kɛ ɔ ´kan sran'm be kwlaa nin asiɛ'n su like'n kwlaa nin nyanmiɛn su lɔ liɛ'n kwlaa bo nun, yɛ ɔ ´fa Krist sie bé su.

Efɛzfuɛ Mun 3:7

Jasin fɛ sɔ'n i junman bɔ Nyanmiɛn man n di i klun-ufue'n ti'n, i fanngan nun yɛ n di-ɔ.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Efɛzfuɛ Mun 4:21

Afin nanwlɛ, an tili Jésus ndɛ bɔ be kan'n, yɛ sran wunmuan bɔ amun nin i kacili'n ti'n, be kleli amun nanwlɛ ndɛ ng'ɔ kleli'n.

Efɛzfuɛ Mun 4:7

Sanngɛ sran kun i like liɛ nga Krist mɛnnin i kɛ ɔ yo'n, yɛ ɔ kwla yo-ɔ.

Kolɔsfuɛ Mun 1:4

afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

1 Timote 1:11

Kɛ be klɛli Nyanmiɛn bɔ be bo i dunman fɛ titi'n i jasin fɛ'n b'ɔ fa wlali n sa nun'n nun sɔ-ɔ.

1 Timote 1:4

yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

2 Timote 1:11

Jasin fɛ'n i kanlɛ nin i klelɛ ti yɛ Nyanmiɛn fali min, yɛ ɔ sunmannin min-ɔn.