Efɛzfuɛ Mun 2:2 - NYANMIƐN NDƐ'N 1998

² yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

Nyanmien nde Ufle

² ye amun nzuen'n fa bé nga bé ô ye'n bé lie'n, amun nyin yili nglô lo mmusu'm bé si'n, i ye nde o wlawla swran nga bé nyin yi'a Nyanmien nion.

Efɛzfuɛ Mun 2:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 1:16

I nuan nian tɔ-man, kpɛkuun sran kun ekun ɔ'a a to Zɔb, i waan: «Nyanmiɛn i sin'n fin nyanmiɛn su lɔ, ɔ yrali bua mun, ɔ nin ɔ junman difuɛ mun. N kunngba yɛ n nyannin mín ti n wanndili-ɔ, yɛ m ba ɔ kan klelɛ-ɔ.»

Zɔb I Nyrɛnnɛn Wunlɛ 1:19

Kpɛkuun aunngban dan wie fin aawlɛ flɛnnɛn'n nun lɔ ɔ wa finnin sua'n i bue nnan'n. Sua'n bu tɔli gbanflɛn nin talua sɔ'm bé su, ɔ kunnin be. N kunngba yɛ n nyannin n ti n wanndili-ɔ, yɛ m ba ɔ kan klelɛ-ɔ.»

Zɔb I Nyrɛnnɛn Wunlɛ 1:7

Anannganman usali Satan kɛ: «?A fin nin?» Ɔ tɛli Anannganman su kɛ: «N fin asiɛ'n su lɔ wlan-wlanlɛ kan.»

Zɔb I Nyrɛnnɛn Wunlɛ 31:7

Sɛ m'an fa-man atin'n su sein, sɛ n fali min nyin m bloli like wie su, sɛ n kannin fiɛn wie,

Jue Mun 17:14

Anannganman, yo man n fin bé sa nun n fite. Bu klunwifuɛ mun nin be mma mun, ɔ nin be anunman mun be fɔ.

Ezai 30:1

Anannganman wan yoo: «Ba nyin keklefuɛ mun, amun yako! Kɛ amun bu sa'm be yolɛ akunndan'n n wun-man nun. Amun kpɛ anuansɛ wie mun bɔ nán min yɛ n kleli kɛ amun yo-ɔ. Amun yo sa tɛ be uka sa tɛ su!

Ezai 57:4

?Wan yɛ amun yo i finfin nin-ɔn? ?Wan yɛ amun tike amún nuan'n gbauun be oto i nin-ɔn? ?Amun ti-man ba bɔ bé nyin ti kekle bɔ be ti ato buafuɛ mun?

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:9

«Kɛ ɔ fin Gibea lɔ ndɛ'n su lele b'ɔ fa ju kɛ o yɛ'n sa tɛ'n yɛ Izraɛlfuɛ'm be yo-ɔ, b'a kaci-man. Nyrɛnnɛn ng'ɔ tɔli Gibea lɔ sa tɛ yofuɛ'm be su'n, san i cɛ yɛ ɔ ´tɔ be su-ɔ .

Saun Yolɛ 11:16

Klɔnsoklo mun, akpatue fanunfanun mun, asri'm be akpasua liɛ mun, nin kayɔbuɛ'n, nin anunman b'ɔ tra jue sie i konvi bɔ'n,

Matthieu 11:19

M bɔ n kacili Sran'n m bali, n di like yɛ n nɔn nzan, i ti sran'm be waan n ti aliɛ safuɛ nin nzan nɔnfuɛ, yɛ n ti gua bo sika defuɛ nin sa tɛtɛ yofuɛ'm be janvuɛ. Nyanmiɛn i nyoliɛ'n kle kɛ ɔ ti ngwlɛlɛfuɛ.»

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Matthieu 13:38

Awie fie'n yɛlɛ mɛn'n, awie'n yɛlɛ Nyanmiɛn mma mun, yɛ awie ijre'n yɛlɛ Klunwifuɛ'n i mma mun.

Marc 4:19

sanngɛ mɛn'n nun ninnge'n i ngokoɛ'n, nin anyanbeun i klolɛ'n, nin bé nyin b'ɔ blo ninnge wie'm be su'n, ɔ tra Nyanmiɛn ndɛ'n, ɔ man ndɛ sɔ'n yo-man kpa.

JÉSUS-CHRIST I DYASIN FE'N BO LUC KLELI'N 16:8

Ninnge sunianfuɛ sɔ'n b'ɔ yo-man sa i nuan su'n, i min'n yoli i mo i ngwlɛlɛ bɔ wunnin i'n ti, afin ajulisufuɛ nga'm be si be wiengu wun sa yo kpa tra be bɔ Nyanmiɛn man be wun ase'n.

JÉSUS-CHRIST I DYASIN FE'N BO LUC KLELI'N 22:31

Yɛ e Min'n seli Simɔn kɛ: «Simɔn, Simɔn, nian Satan srɛli amún wun atin, i waan ɔ ´sa amun nian .

Jean 12:31

Siɛn'n, ɔ'a ju mɛn nga nunfuɛ'm be jɔlɛ difuɛ'n i ja su fa kɔlɛ, siɛn'n, be wa kan sran ng'ɔ sie mɛn nga'n i bo.

Jean 13:2

Kɛ be ´di like'n, wuun mmusu'm bé si Satan'n ɔ'a dun mmua di a wla Simɔn wa Zidas Iskariɔt, kɛ ɔ `fa Jésus man sran mun.

Jean 13:27

Kɛ Zidas sɔli kpaun sin sɔ'n nun cɛ'n, yɛ Satan wluli i nun-ɔn. Jésus seli i kɛ: «Like nga ɔ waan a ´yo'n, yo i ndɛndɛ.»

Jean 14:30

Min nin amun e su ijɔ-man kpanngban kun, afin sran ng'ɔ sie mɛn nga'n, ɔ su ba. Ɔ kwla yo-man n like fi mlɔnmlɔn,

Jean 15:19

Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

Jean 16:11

Ɔ ´kle be jɔlɛ dilɛ'n i bo, afin Nyanmiɛn a bu sran ng'ɔ sie mɛn nga'n i fɔ.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Jean 8:23

Yɛ ɔ seli be kɛ: «An ti asiɛ'n su wafuɛ, n kusu n ti nglo lɔfuɛ, an ti mɛn nga nunfuɛ, n liɛ'n, n ti-man mɛn nga nunfuɛ.

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Sa nga bé yôli'n 19:35

Kɛ ɔ yoli sɔ'n, klɔ'n su fluwa klɛfuɛ'n guali sran'm be ase, yɛ ɔ usali be kɛ: «?Efɛzfuɛ mun, wan yɛ ɔ si-man kɛ Efɛz klɔ'n nian Artemis b'ɔ ti amuɛn bla dan'n i sua'n nin i ba b'ɔ fin nyanmiɛn su tɔli'n be lika-a?

Sa nga bé yôli'n 5:3

Piɛr usɛli i kɛ: «?Ananias, nguɛ ti yɛ a fa ɔ wun mannin Satan b'ɔ man a bua ato kle Nyanmiɛn Wawɛ'n, bɔ a fa asiɛ'n i sika'n i bue sieli-ɔ?

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

1 Korɛntfuɛ Mun 5:10

M'an se-man amun kɛ nán amun nin bla nin bian kunndɛfuɛ bɔ be ti-man Kristfuɛ'n, nin be bɔ be de sran like wue kekle su'n, nin be bɔ bé nyin yi-man like'n, nin amuɛn sɔfuɛ mun yɛ nán amun nin be di nin-ɔn. Sɛ ɔ ti sɔ'n, wuun san amun ´jao mɛn'n nun mlɔnmlɔn.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Efɛzfuɛ Mun 1:21

Krist sie like'n kwlaa blɛ nga e o nun yɛ'n. Yɛ ɔ ´sie like'n kwlaa blɛ ng'ɔ ´ba lɔ'n. Krist sie mmusu mun, nin kpɛnngbɛn mun, nin bae, nin be nga be sie sran mun ɔ nin sran nga be lɛ dunman'm be kwlaa.

Efɛzfuɛ Mun 2:11

I sɔ'n ti'n, an `bu wafa nga an ti laa'n i akunndan. Amun bɔ amun osu'n fin-man Zuif'n, Zuif'm bɔ be flɛ be klɛn wlafuɛ'n, bɔ sran yɛ ɔ fɛli i sa wlali be klɛn'n, be se amun kɛ an ti-man klɛn wlafuɛ.

Efɛzfuɛ Mun 2:13

Amun bɔ laa amun nin Nyanmiɛn di-man'n, siɛn'n sran wunmuan bɔ amun nin Krist-Jésus amu'an kaci'n ti, kɛ ɔ wuli bɔ i mmoja'n guali'n, ɔ'a yo man amun nin i a di.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Efɛzfuɛ Mun 5:8

Laa'n, an wo aosin nun, sanngɛ sran wunmuan bɔ amun nin e Min'n amu'an kaci'n ti, amu'an fite weiin nun siɛn'n. I sɔ'n ti'n, an `yo sa ng'ɔ kle kɛ an wo wia klengle kpa'n nun'n.

Efɛzfuɛ Mun 6:12

Afin nán e nin klɔ sran yɛ e kun-ɔn, sanngɛ e nin mmusu mun, nin aosin tuun nga e o nun yɛ'n i min'n i kpɛnngbɛn mun, yɛ mmusu tɛtɛ bɔ be o nglo lɔ'n yɛ e kun-ɔn.

Kolɔsfuɛ Mun 1:21

Amun bɔ laa an kpɔ Nyanmiɛn bɔ amun nin i di-man amun akunndan tɛ nin amun nyoliɛ tɛtɛ'n ti'n,

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

Jacques 1:7

I sɔfuɛ'n, nán man ɔ bu kɛ e Min Nyanmiɛn'n ´mɛn i like.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

1 Jean 5:19

E si kɛ e ti Nyanmiɛn liɛ yɛ Klunwifuɛ'n sie mɛn wunmuan'n.

1 Jean 5:4

Mɛn'n nun ninnge kwlaa be ti kɛ e kpɔfuɛ sa, be kwlaa nga be ti Nyanmiɛn wa'n, be kwla ninnge sɔ mun. Nyanmiɛn su bɔ e lafi'n ti yɛ man e kwla mɛn'n nun ninnge sɔ'm be kwlaa bɔ be ti kɛ e kpɔfuɛ sa mun-ɔn.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 16:17

Be awieliɛ su'n ko utuli i klowa'n nun ninnge liɛ'n kɛ aunngban'n fa wɔ. Be tili sran kun nɛn kekle kpa Nyanmiɛn i sua'n nun bia'n wun lɛ, sran sɔ'n ɔ seli kɛ: «B'a yo ɔ'a wie !»

Sa nglô yile 20:2

Dragɔn bɔ be flɛ i wuo lalaa'n, bɔ be flɛ i ekun kɛ mmusu'm bé si Satan'n, anz sɔ'n ɔ trɛli i yɛ ɔ cili i, ɔ ´ka lɛ lele afuɛ akpi.