Efɛzfuɛ Mun 1:4 - NYANMIƐN NDƐ'N 1998

⁴ I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Nyanmien nde Ufle

⁴ O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 1:4 ပူးပေါင်းရင်းမြစ်များ

2 Samiɛl 22:24

Ɔ nyan-man min wun ndɛ fi kan-man, n nian mín wun su kɛ ɔ yo nan m'an yo-man sa tɛ'n ti.

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Saun Yolɛ 19:2

ɔ `kan ndɛ yɛ mun kle Izraɛlfuɛ mun. I waan: «Min yɛ n ti Anannganman amun Nyanmiɛn nin-ɔn. Man amun nzuɛn'n ɔ fa min liɛ'n. Afin min nzuɛn liɛ'n nin klɔ sran liɛ'n ti-man kun .

Saun Yolɛ 20:7

Man amun nantilɛ'n ɔ yo weiin, nán fiɛn fi ɔ tran amun wun, afin min yɛ n ti Anannganman amun Nyanmiɛn nin-ɔn.»

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Sa nga bé yôli'n 18:10

«Kan min ndɛ'n, nán srɛ kun wɔ, nán yaci, yɛlɛ kɛ n jin ɔ sin, sran fi su fɛ-mɛn i sa kan-man wɔ, afin n lɛ sran kpanngban klɔ nga su .»

Rɔmfuɛ Mun 8:33

?Wan yɛ ɔ kwla saci be bɔ Nyanmiɛn fali be'n be dunman-an? Nyanmiɛn yɛ ɔ bu be sran kpa-a.

1 Korɛntfuɛ Mun 1:8

I yɛ man amun ´jran cinnjin lele fa ju i awieliɛ-ɔ nan e Min Jésus-Krist i wun nglo yilɛ cɛn'n nun b'a kputu-man amun.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

Kolɔsfuɛ Mun 2:2

M mian mín nyin nan an `tra amun anwlɛn yɛ klolɛ bɔ an klo amun wun'n ti amún bo `yo kun, m mian min nyin nan an si ngwlɛlɛ kpa b'ɔ man amun ´wun sa wlɛ weiin nan an si like nga Nyanmiɛn fiɛli i sran'm be nyrun'n, like sɔ'n yɛlɛ Krist!

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

1 Tɛsalonikfuɛ Mun 3:12

Man e Min'n man an klo amun wiengu nin sran'm be kwlaa dan kpa tra laa'n kɛ e kusu e fa klo amun'n sa!

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

1 Jean 4:16

E si kɛ Nyanmiɛn klo ye, ɔ man e lafi i su. Nyanmiɛn yɛ ɔ ti sran klofuɛ nin-ɔn, ɔ man sran ng'ɔ klo sran'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .