Daniɛl 9:9 - NYANMIƐN NDƐ'N 1998

⁹ Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.

Daniɛl 9:9 ပူးပေါင်းရင်းမြစ်များ

2 Samiɛl 24:14

David waan: «Min akunndan ɔ'a sanngan ɔ'a tra su. Sɛ e tɔ Anannganman sa nun'n, ɔ flunman tra kɛ e tɔ sran sa nun'n. Anannganman liɛ i aunnvuɛ silɛ'n lɛ-man sin.»

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 130:7

Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Zeremi 14:7

«Kɛ e nian e sa tɛ mun'n, e si kɛ y'a fɔn, sanngɛ Anannganman, nian ɔ dunman'n ti uka ye. E yoli nyin kekle'n sunman. E fɔnnin ɔ wun.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .