Daniɛl 9:8 - NYANMIƐN NDƐ'N 1998

⁸ Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.

Daniɛl 9:8 ပူးပေါင်းရင်းမြစ်များ

2 Famiɛn Mun 21:15

Sa ti bɔ n ´yo sɔ'n, yɛlɛ kɛ, kɛ ɔ fin cɛn bɔ be nannan'm be fin Ezipt lɔ bali lele b'ɔ ´fa ju ndɛ'n, sa ng'ɔ yo-man min fɛ'n, b'ɔ kun min ya'n, yɛ be yo-ɔ.› »

2 Be Nyoliɛ 6:37

Kɛ be o kanga'n nun mɛn sɔ'n nun lɔ'n, atrɛkpa-a, be ´kaci akunndan, yɛ be ´fa bé wun wla ɔ sa nun ekun. Atrɛkpa-a, be ´se kɛ: ‹E yoli sa tɛ. Atin nga e nantili su'n ti-man sein. E ndɛ yo-man fɛ.›

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Ezai 64:4

Be nga be tu be klun be yo ɔ klun sa'n, bɔ atin nga a kle be'n i su falɛ akunndan yɛ ɔ o be klun'n, a uka be. Sɛ a fali ya'n, é sa tɛ bɔ e yoli'n i ti-ɔ. ?Sanngɛ e ´yo sɛ yɛ e ´fite nun-ɔn?

Zeremi 14:20

Anannganman, e si kɛ e ti-man sɛsɛ ɔ nyrun. E si kɛ é si'm be yoli sa tɛ. Nanwlɛ e fɔnnin ɔ́ wun.

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 7:19

Anannganman wan yoo: «?Like nga be yo i lɛ'n, min yɛ be su yo min-ɔn? Be bɔbɔ yɛ be su yo be wun-ɔn. Ɔ ti be bɔbɔ be nyrun nyannzuɛn.»

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 3:42

E yoli sa tɛ, e yoli nyin kekle dan. Kɛ ɔ yoli sɔ'n kusu w'a yaci-man a cɛ-man ye.

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Ezekiɛl 5:6

I su sran'm b'a fa-man min mmla nin min ndɛ nga n kan kleli be'n be su. Be liɛ'n, sa tɛ'n i yolɛ'n yoli be fɛ dan kpa trali nvle nga be mantan be lɛ'n mun. Afin b'a di-man min mmla'm be su, b'a nanti-man atin nga n kleli be'n i su .›

Daniɛl 9:9

Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.