Daniɛl 9:7 - NYANMIƐN NDƐ'N 1998

⁷ Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Daniɛl 9:7 ပူးပေါင်းရင်းမြစ်များ

Ɛsdras 9:13

E Nyanmiɛn, e nyoliɛ tɛtɛ mun nin e fɔnlɛ ngbli-ngbli'm be ti yɛ sa'm be juli ye su-ɔ, sanngɛ w'a nian-man e sa tɛ sɔ'm be su w'a tu-man e fɔ. ?Yɛ ndɛkɛn bɔ w'a yo man e nun sran wie'm b'a nyan atin b'a sa be sin'n

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Jue Mun 119:137

Ee Anannganman, a yo sa i nuan su! A nian mmla'n su yɛ a bu ndɛ mun-ɔn.

Jue Mun 44:15

Wɔ man nvle nga be si-man wɔ'n be fa e kpɛ jue. Be keje be ti'n be yo e finfin.

Jue Mun 51:14

Aklunjuɛ nga i nun bɔ a de min a fa mannin min'n, fa man min ekun, yɛ man ɔ Wawɛ klun ufuefuɛ'n ɔ suan min bo.

Jue Mun 51:4

Wunnzin min weiin kpa, man fɔnlɛ bɔ n fɔnnin'n ɔ wie. Yo min saun kpa man min wun sa'n kwlaa wie weiin.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 45:16

Be nga be yo amuɛn mun'n, nyannzuɛn'n ɔ'a kun be kpo, bé nyin'n ɔ'a gua ase, be kan bé ti ase yɛ be kɔ-ɔ.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Zeremi 7:19

Anannganman wan yoo: «?Like nga be yo i lɛ'n, min yɛ be su yo min-ɔn? Be bɔbɔ yɛ be su yo be wun-ɔn. Ɔ ti be bɔbɔ be nyrun nyannzuɛn.»

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Ezekiɛl 36:31

Yɛ amún wla wa kpɛn amun nzuɛn tɛtɛ nin amún sa tɛtɛ nga amun yoli'n be su. Amun su kwla-man amun ti su man amún sa tɛ nin amun tete sa'm be ti.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Daniɛl 9:14

I sɔ'n ti yɛ ɔ waan san nyrɛnnɛn sa'm be ´tɔ ye su nin-ɔn. Afin Anannganman e Nyanmiɛn, sa nga a yo'n kwlaa ɔ ti i nuan su, sanngɛ y'a sie-man e su ɔ́ nuan bo.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.