Daniɛl 9:27 - NYANMIƐN NDƐ'N 1998

²⁷ Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Daniɛl 9:27 ပူးပေါင်းရင်းမြစ်များ

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 28:22

Siɛn'n, amun `yaci amun sran'm be finfin yolɛ, sɛ ɔ ti-mɛn i ti-ɔ, nyanman'n ɔ ´mian amun kɔmin. Afin be wa saci mɛn wunmuan'n, ɔ lɛ-man ayre. Anannganman b'ɔ sie mɛn wunmuan'n yɛ ɔ seli min sɔ-ɔ.

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Zeremi 7:30

Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 12:11

Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Matthieu 26:28

«Amun kwlaa an `nɔn nzan ng'ɔ o nun'n, afin nzan sɔ'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin sran'm be tra'n i nzɔliɛ. Sran sunman be ti yɛ be ´guɛ i ase-ɔ, ɔ man Nyanmiɛn ´yaci bé sa bɔ be yoli i'n cɛ be .

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

JÉSUS-CHRIST I DYASIN FE'N BO LUC KLELI'N 21:20

«Kɛ amun ´wun kɛ sonja'm b'a sin a yia Zerizalɛm'n, an `si kɛ i sacilɛ a ju.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Rɔmfuɛ Mun 11:26

Kɛ ɔ ko yo sɔ'n, ndɛ nga be klɛli i kɛ Izraɛlfuɛ'm be kwlaa be ´nyan bé ti'n, ɔ ´kpɛn su. Afin be klɛli i kɛ: «Bé Defuɛ'n ´fin Siɔn, ɔ ´yo man Zakɔb anunman'm bɔ be sro-man Nyanmiɛn'n be ´sro i .

Rɔmfuɛ Mun 5:15

Sanngɛ sa nga Adam yoli'n nin like dan nga Nyanmiɛn fa cɛ ye'n, be dan sɛ-man. Nanwlɛ, sran kpanngban b'a wu sran kun i sa liɛ'n b'ɔ yoli'n ti. Sanngɛ ye nga Nyanmiɛn yo ye'n i dan trɛ fatifati, yɛ like ng'ɔ fa cɛ sran kpanngban i aklunye'n ti'n i kusu i kpa trɛ i. Like sɔ'n yɛlɛ Jésus-Krist.

Rɔmfuɛ Mun 5:19

Kɛ sran kunngba i nyin kekle'n ti ɔ man sran kpanngban be kacili sa tɛ yofuɛ'n, sran kun kusu i anyinyiɛ ti, ɔ man sran kpanngban be ´kaci sran kpa.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .