Daniɛl 9:26 - NYANMIƐN NDƐ'N 1998

²⁶ Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Daniɛl 9:26 ပူးပေါင်းရင်းမြစ်များ

2 Samiɛl 21:5

Yɛ be seli famiɛn'n kɛ: «Bian sɔ'n ɔ wieli e kun, i waan ɔ ´nunnun ye nan nán e wie fi e tran Izraɛl mɛn'n nun.

Jue Mun 22:15

Min wunmiɛn'n ɔ wie kɛ nzue b'ɔ sonji kɔ'n sa. N kwla jran-man n ja'n su kun. Yakpa bɔ min waan n ti'n, m'an kaci kɛ nguɛn bɔ ɔ'a klo'n sa.

Ezai 28:2

Amun `nian, Anannganman ɔ'a sunman sran kun, ɔ ti kekle kpa, ɔ ti waka-waka kpa, ɔ su ba. Ɔ ti kɛ nzue bɔ kɛ ɔ ´tɔ-ɔ nzraama gua'n sa, ɔ ti kɛ aunngban dan b'ɔ saci like'n sa, ɔ ti kɛ nzue b'ɔ kpalo waa blɛ bɔ nzue'n ɔ su tɔ'n sa. Anannganman su klɔ sɔ'n i bo yi i ase.

Ezai 28:22

Siɛn'n, amun `yaci amun sran'm be finfin yolɛ, sɛ ɔ ti-mɛn i ti-ɔ, nyanman'n ɔ ´mian amun kɔmin. Afin be wa saci mɛn wunmuan'n, ɔ lɛ-man ayre. Anannganman b'ɔ sie mɛn wunmuan'n yɛ ɔ seli min sɔ-ɔ.

Ezai 53:8

Be trɛli i, be yoli i tokotoko, be dili i jɔlɛ. ?I blɛ sufuɛ mun'n, sran'm be kunlɛ bɔ be kunnin i'n, wan yɛ ɔ wunnin i wlɛ kɛ min nvle nunfuɛ'm bé sa tɛtɛ'n bɔ be yo'n i ti-ɔ?

Ezai 8:7

i ti Anannganman man Efrat nzue kpanngban b'ɔ sonji kekle'n, ɔ sonji ba be su, Asiri famiɛn'n b'ɔ lɛ nyrun dan'n ɔ ´ba. Nzue'n ɔ ´yi dan kpa, ɔ ´kɛtɛ i cenje'n kwlaa su.

Zeremi 46:7

?Wan yɛ be ´fa Nil'n bɔ ɔ'a yi bɔ ɔ'a lele lika'n be ´fa sunnzun i-ɔ?

Zeremi 51:42

Jenvie'n wɔli lele ko kɛtɛli i su kplu! Ɔ mɛnnin i bi!

Daniɛl 11:10

Nglo lɔ lika'n i famiɛn'n i mma'm be ´buabua bé wun be ´kɔ alɛ kunlɛ. Kɛ be ´kɔ sɔ'n, be ´fa alɛ kunfuɛ kaka kpa. Ba'm be nun kun nin i sonja liɛ'm be ´tra be mɛn nnyɔn'm be awɛ'n su, be ´kpa bo'n bo sa waa kɛ nzue ba wie bɔ ɔ'a yi dan b'ɔ su sonji lika'n kwlaa nun'n sa. Kɛ be ´sa bé sin be ´ba be mɛn'n nun'n, be wa utu be kpɔfuɛ'm be klɔ kun bɔ i wun ti siwa'n.

Daniɛl 11:17

I sin, ɔ wa ba ɔ nin famiɛn diwlɛ'n nun alɛ ninnge dandan'n kwlaa. Ɔ wa yo i wun kɛ sa fi nun-mɛn i klun sa. Ɔ wa fɛ i wa bla'n ´fa man Ezipt famiɛn'n, kɛ ɔ ´yo nan ɔ'a nyan famiɛn sɔ'n nan ɔ'a nunnun i mɛn'n ti. Sanngɛ i gblɛ sɔ'n ɔ su yo-man ye.

Daniɛl 11:22

Alɛfuɛ fi su kwlɛ-mɛn i, ɔ ´nunkun be kwlaa kpɛkuun ɔ ´kun anuansɛ nga be di i nvle'n nun'n i su kpɛn'n.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Ndɛ Nga Nyanmiɛn I Nuan Ijɔfuɛ Oze Kannin'n 1:9

Anannganman seli Oze kɛ: «Flɛ i kɛ Aofuɛ, afin nán min sran yɛlɛ amun kun, amun kusu nán amun like fi yɛlɛ min kun.»

Amɔs 8:8

Sa sɔ'm be ti, asiɛ'n ɔ ´keje, i su tranfuɛ'm be kwlaa be wa tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su nglo kpɛkuun ɔ ´tɛ i wun ase kɛ Ezipt lɔ nzue ba dan'n sa.»

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Naɔm 1:8

Sanngɛ i kpɔfuɛ'm be liɛ'n, kɛ nzue ba dan kun yi gua b'ɔ kata asiɛ'n su b'ɔ nunnun lika'n sa, ɔ wa nunnun be. Ɔ ´fa be kɔ aosin tuun'n nun.

Matthieu 22:2

«Nyanmiɛn sielɛ'n ɔ fa famiɛn kun b'ɔ fa atɔnvlɛ mɛnnin i wa.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.

Matthieu 23:38

An `nian, amun awlo'n ɔ wa ka amún sa nun, yɛ ndɛ kun bɔ n ´kan kle amun'n yɛ: an su wun-man min kun

Matthieu 24:2

Yɛ ɔ seli be kɛ: «?An wun ninnge nga kwlaa? Nanwlɛ, yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Marc 13:2

Yɛ Jésus seli i kɛ: «?A wun sua dandan nga mun? Yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Marc 13:7

Kɛ an ti alɛ i wun ndɛ'n, nin i nganniɛn'n, nán man amun klun titi amun, afin san sa sɔ'm be ´yo. Sanngɛ ɔ su yo-mɛn i awieliɛ.

Marc 9:12

Ɔ tɛli be su kɛ: «Eli ´dun mmua ɔ wa yo ninnge'n kwlaa be uflɛ ekun. ?Yɛ ɔ yo sɛ ti yɛ be klɛ m bɔ n kacili Sran'n mín wun ndɛ kɛ m wa wun nyrɛnnɛn dan kpa nan be ´yo n finfin nin-ɔn ?

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

JÉSUS-CHRIST I DYASIN FE'N BO LUC KLELI'N 21:6

«Cɛn kun wa ju bɔ like nga amun wun be yɛ'n, be kwlaa be ´saci. Yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

JÉSUS-CHRIST I DYASIN FE'N BO LUC KLELI'N 24:26

?B'a se-man kɛ Krist ´wun nyrɛnnɛn nan ɔ'a trɛn i bia'n su?»

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

Jean 14:30

Min nin amun e su ijɔ-man kpanngban kun, afin sran ng'ɔ sie mɛn nga'n, ɔ su ba. Ɔ kwla yo-man n like fi mlɔnmlɔn,

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

1 Piɛr 2:21

I sɔ yolɛ ti yɛ Nyanmiɛn flɛli amun-ɔn, afin amun ti, Krist bɔbɔ wunnin nyrɛnnɛn. Ɔ yoli sɔ kɛ an nian su nan an nanti i ajalɛ liɛ'n su.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.