Daniɛl 9:25 - NYANMIƐN NDƐ'N 1998

²⁵ Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Daniɛl 9:25 ပူးပေါင်းရင်းမြစ်များ

2 Samiɛl 15:25

Famiɛn'n seli Zadɔk kɛ: «Fa Nyanmiɛn i alaka'n sa ɔ sin klɔ lɔ. Sɛ Anannganman si min aunnvuɛ'n, ɔ ´fa min sa n sin, ɔ man n ´wun i alaka'n nin i sua'n ekun.

Ɛsdras 4:24

Zerizalɛm lɔ Nyanmiɛn sua'n i kplanlɛ'n jrannin. Ɔ jrannin lele juli Dariis b'ɔ ti Pɛrs famiɛn'n i sielɛ'n i afuɛ nnyɔn'n su.

Ɛsdras 7:1

I sin, Ɛsdras ɔ wa bali Artaksɛrksɛs b'ɔ ti Pɛrs famiɛn'n i blɛ su. Ɛsdras i si'n yɛlɛ Sɛraza, Sɛraza liɛ'n yɛlɛ Azaria, Azaria liɛ'n yɛlɛ Ilkiza,

Ɛsdras 7:8

Ɛsdras nin be-ɔ. Be juli Zerizalɛm kɛ famiɛn'n trannin bia'n su'n i afuɛ nso'n i anglo i nnun'n su.

Neemi 3:1

Eliasib b'ɔ ti Nyanmiɛn nyrun jranfuɛ'm be su kpɛn'n ɔ nin i wiengu Nyanmiɛn nyrun jranfuɛ'm bé bo yoli kun. Be kplannin anuan nga be flɛ i kɛ Bua'm be anuan'n i talɛ'n. Be yili i nglo nan b'a wlɛ i anuan'n. I sin be kplannin talɛ'n lele juli klɔ'n i sasawlɛ nga be flɛ i sran ya Sawlɛ'n. Be yili i nglo, kpɛkuun be kplannin talɛ'n lele juli klɔ'n i sasawlɛ kun nga be flɛ i Ananeɛl Sasawlɛ'n i wun lɔ.

Neemi 4:2

Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

Neemi 4:8

Kɛ n wieli kan be wo'n i nian-nian'n, n seli kpɛnngbɛn nin jɔlɛ difuɛ, nin sran'm be kwlaa kɛ: «Nán man amun sro be! Nán amún wla fi kɛ Anannganman ti dan nan ɔ yo sro. Amun `kun amun niaan nin amun mma mun, nin amún yi mun, ɔ nin amun awlo'm be ti alɛ.»

Neemi 6:15

Talɛ'n wieli Elil anglo'n i le ablaɔn-nin-nnun'n su. I kplanlɛ'n dili cɛn ba ablenun-nin-nnyɔn.

Jue Mun 71:10

Min kpɔfuɛ'm be kan min wun ndɛ. Be bɔ be sasa min cɛnjɛiin'n, be sin yia be ti bé wun aniɛn min wun.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Ezai 55:4

N fɛ i sieli kɛ ɔ `kan min ndɛ kle nvle-nvle'm be nunfuɛ mun nan ɔ `yo mɛnmɛn'm be nyrun dunfuɛ, yɛ ɔ `sie be.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Daniɛl 8:11

Ɔ ti nyanman lele toli nyanmiɛn su lɔfuɛ'm bé su kpɛn'n i lɔ. Ɔ man be yacili tɛ nga be yi man kpɛn sɔ'n cɛn kwlakwla'n i yilɛ, nan ɔ'a yo kpɛn'n i tranwlɛ'n i fiɛn.

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Daniɛl 9:23

Kɛ a boli ɔ srɛlɛ'n bo cɛ'n, be kannin ndɛ kun, m bali kɛ n wa kan ndɛ sɔ'n n ´kle wɔ. Afin a ti Nyanmiɛn i anwlɛn su sran. Mian ɔ nyin nan wun ndɛ sɔ'n i wlɛ nan wun aolia nun sa nga i bo.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Matthieu 13:23

Asiɛ kpa nga kusu bɔ awie'n tɔli su'n, yɛlɛ sran ng'ɔ ti Nyanmiɛn ndɛ'n b'ɔ wun i wlɛ'n. Ɔ ti kɛ awie b'ɔ yo ye'n sa, tre kun wlɔ ya, kun wlɔ ablesiɛn, yɛ kun ekun wlɔ ablasan.»

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

Jean 1:41

Ɔ ko toli i niaan bian Simɔn, yɛ ɔ seli i kɛ: «Y'a wun Mɛsi'n bɔ i bo yɛlɛ Krist'n.»

Jean 4:25

Bla'n seli i kɛ: «N si kɛ Mɛsi bɔ be flɛ i Krist'n ɔ ´ba. Sɛ ɔ ba'n, ɔ ´kan ndɛ'n kwlaa kle ye.»

Sa nga bé yôli'n 3:15

Amun yoli man be kunnin sran ng'ɔ man nguan'n, sanngɛ Nyanmiɛn cɛnnin i. Sa sɔ'n yoli e bɔbɔ e nyrun.

Sa nga bé yôli'n 5:31

Nyanmiɛn fɛ i sieli i fama su kɛ ɔ yo ye Atin Klefuɛ nin e Defuɛ kɛ ɔ yo nan Izraɛlfuɛ'm b'a kwla kaci be nzuɛn'n nan Nyanmiɛn ɔ'a yaci sa nga be yoli i'n ɔ'a cɛ be'n ti.

Sa nga bé yôli'n 8:30

Filip wanndi mantannin Etiopi bian'n lɔ, ɔ wunnin kɛ ɔ su kanngan Nyanmiɛn nuan ijɔfuɛ Ezai i fluwa'n nun, yɛ ɔ usɛli i kɛ: «?Ndɛ nga a kɛnngɛn i lɛ'n a si i bo?»

Efɛzfuɛ Mun 5:16

Kɛ amu'an nyan amún ti'n, nán an tran lɛ ngbɛn, an `yo like ng'ɔ yo sa ye'n, afin blɛ nga e o nun yɛ'n ti tɛ.

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»