Daniɛl 9:24 - NYANMIƐN NDƐ'N 1998

²⁴ Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Daniɛl 9:24 ပူးပေါင်းရင်းမြစ်များ

2 Be Nyoliɛ 29:24

Nyanmiɛn nyrun jranfuɛ'm be kpɛli be kɔmin, yɛ be fali be mmoja'n guɛli i Nyanmiɛn sɔwlɛ'n su nan Nyanmiɛn yaci Izraɛlfuɛ'm be kwlaa bé sa tɛ'n cɛ be, afin famiɛn'n dun mmua kɛnnin i kɛ Izraɛlfuɛ'm be dunman nun'n, be `yi tɛ nga be yrɛ i nnɛn'n kɔlikɔli'n, ɔ nin Nyanmiɛn kpatalɛ tɛ'n.

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 45:7

Ee Nyanmiɛn, ɔ famiɛn bia'n wo lɛ tititi. Sielɛ nga a sie sran mun'n, a sie be kpa.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 51:6

Amun `man amún nyin'n su be `nian nglo lɔ, amun `kan amún ti ase be `nian asiɛ'n. Afin nyanmiɛn'n su ɔ ´kpɛ wiaa kɛ sin wɛnsrɛn b'ɔ wie'n sa. Asiɛ'n ɔ ´saci kɛ tralɛ b'ɔ titi'n sa, yɛ i su sran'm be ´wu kɛ ngɔnsiɛn'm be sa. Sanngɛ delɛ nga n ´de sran mun'n, ɔ su yo-man le kunngba liɛ, n ´yo i sɔ tititi. Yɛ n su yaci-man sa kpa'n i yolɛ le .

Ezai 51:8

Afin be agualiɛ'n ɔ ´gua be kɛ tralɛ bɔ nvɔlɛ ɔ'a di'n sa, yɛ ɔ ´gua be kɛ bua ndrɛ tralɛ bɔ kakaa'm b'a saci i'n sa. Sanngɛ n ´yo sa kpa'n tititi, yɛ delɛ nga n ´de sran mun'n, ɔ su yo-man le kunngba liɛ, n ´yo i sɔ blɛ'n kwlakwla.»

Ezai 56:1

Anannganman wan yoo: «Amun `yo sa ng'ɔ ti i nuan su'n, amun `yo sa kpa. Afin sran bɔ min waan n ´de be'n, bé ti nyanlɛ blɛ'n ɔ'a mantan. Yɛ min nanwlɛ dilɛ cɛn'n su wa ju .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ezekiɛl 28:12

«Klɔ sran, yi ngwlɛ Tir famiɛn'n i su, se i kɛ ndɛ nga min Anannganman Nyanmiɛn n kan'n yɛ: ‹Ɔ ngwlɛlɛ dan nin ɔ klanman b'ɔ lɛ-man wunsu'n ti'n, a yoli sran kun bɔ be fa ɔ nzuɛn nin-ɔn ɔ ti kpa.

Ezekiɛl 4:5

Ɔ fɛlɛ'n i blɛ'n nin afuɛ nga be dili i sa tɛ'n i yolɛ'n nun'n ɔ ´sɛ. A wa sua Izraɛlfuɛ'm be sa tɛ'n i su afɛ'n sɔ lele cɛn ba ya nsan cɛn ba ablangwlan.

Ezekiɛl 4:6

Kɛ a ko di i sɔ cɛn ba liɛ mun b'ɔ ko wie'n, la ɔ́ sa fama'n su siɛn'n, a wa sua Zidafuɛ'm bé sa tɛ liɛ mun cɛn ba ablanan. I sɔ nun'n, cɛn ba kun nga m mian wɔ bɔ a di'n, ɔ nin afuɛ nuan kun bɔ be dili i i sa tɛ yolɛ nun'n be ´sɛ.

Saun Yolɛ 25:8

«Amun `yaci afuɛ nso-nso fa nso lɛ, man ɔ sin. Kɛ amun yaci sɔ'n, wuun i kwlaa'n ɔ'a yo afuɛ ablanan nin ngwlan.

Saun Yolɛ 8:15

Kpɛkuun yɛ Moiz kpɛli nnɛn'n i kɔmin-ɔn, nan ɔ'a sɔ i mmoja. Ɔ fɛ i sama'n kun boli nun ɔ fa siesieli Nyanmiɛn i sɔwlɛ'n i cɔnjɔ-cɔnjɔ'm bé su. I sɔ ng'ɔ ´yo i lɛ'n, ɔ ti Nyanmiɛn i sɔwlɛ'n i wun fiɛn kplolɛ. Kpɛkuun ɔ utuli mmoja'n i onga'n Nyanmiɛn i sɔwlɛ'n bo lɛ. Kɛ ɔ ko yo nan sɛ be ´yi sa tɛ i yaci cɛlɛ i tɛ nin-ɔn b'a kwla b'a yi i Nyanmiɛn i sɔwlɛ su'n, i ti yɛ man be kpɛntɛn-kpɛntɛnnin su mmoja nin-ɔn.

Zakari 4:14

Yɛ ɔ seli min kɛ: «Sran nnyɔn nga be guali be ti su ngo bɔ be su asiɛ wunmuan sufuɛ'm be Min'n, be-ɔ .»

Kalɛ 14:34

Amun fali cɛn ba ablanan yɛ amun fa nian-niannin mɛn nin-ɔn. N kusu n ´fa afuɛ ablanan n ´fa tu amun fɔ, afuɛ kun afɛ'n ɔ ti cɛn kun nun nyin kekle'n i akatua. Kpɛkuun amun ´si kɛ sɛ bé nyin yi-man min'n ɔ ti like tɛ.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 11:13

Afin Nyanmiɛn nuan ijɔfuɛ nin mmla klɛfuɛ'm be kwlaa be kannin sa b'ɔ wa yo'n i ndɛ lele fa ju Zan blɛ su.

Matthieu 4:5

Mmusu'm bé si Satan fɛ i ɔli Nyanmiɛn klɔ'n su lɔ, ɔ fɛ i sieli Nyanmiɛn i sua'n su , ɔ seli i kɛ:

Marc 1:24

ɔ kpan se kɛ: «?Jésus bɔ a fin Nazarɛt, nguɛ sa yɛ ɔ o e nin wɔ ye afiɛn-ɔn? A bali e nunnunlɛ. N si wɔ kpa, a ti Nyanmiɛn i Sran.»

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

Jean 1:41

Ɔ ko toli i niaan bian Simɔn, yɛ ɔ seli i kɛ: «Y'a wun Mɛsi'n bɔ i bo yɛlɛ Krist'n.»

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Sa nga bé yôli'n 3:14

Nyanmiɛn i Sran'n, sran Nanwlɛfuɛ'n sɔ'n, an yili i blo. An kpatali sran kunfuɛ'n i ti kɛ be yaci i nun man amun.

Sa nga bé yôli'n 3:22

Moiz seli kɛ: ‹Amun Min Nyanmiɛn wa sie amun niaan'm be nun kun i nuan ijɔfuɛ kɛ ɔ sieli min'n sa ´fa man amun, ndɛ kwlaa ng'ɔ kan kle amun'n, amun ´fa su.

Sa nga bé yôli'n 4:26

Asiɛ'n su famiɛn'm be jaoli, yɛ kpɛnngbɛn'm be yiali, bé bo yoli kun e Min Nyanmiɛn'n nin i Krist'n bé wun.›

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

Kolɔsfuɛ Mun 1:20

Yɛ ɔ siesieli i nun sran mun nin ninnge'm be kwlaa be afiɛn Jésus nun. Kɛ Jésus wuli waka'n su'n, Nyanmiɛn siesieli sa ng'ɔ o i nin like nga be o asiɛ'n su wa nin nyanmiɛn su lɔ'n be kwlaa be afiɛn, ɔ man sa fi nun-man lɛ kun.

Kolɔsfuɛ Mun 2:14

Ɔ nunnunnin mmla'n i nun ndɛ ng'ɔ ti é wun ndɛ b'ɔ man e di-man alaje'n. Ɔ guɛli i ase, ɔ ti kɛ ɔ boboli i waka'n su sa.

Hébreu 10:14

Afin kɛ ɔ sɔli Nyanmiɛn kpalɛ kunngba sɔ'n, ɔ man be kwlaa nga ɔ fɛ i wun yili bé ti tɛ'n, be yoli sran kpa mlɔnmlɔnmlɔn.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Hébreu 9:26

afin sɛ ɔ ti kɛ ɔ yoli sɔ'n, wuun kɛ ɔ fin mɛn'n i bo bolɛ nun'n, ɔ ´wun nyrɛnnɛn tititi. Sanngɛ siɛn'n bɔ y'a ju mɛn'n i bue nuan'n, ɔ yili i wun nglo kpɛ kunngba nan i wun b'ɔ fa sɔli Nyanmiɛn'n ti'n, sa tɛ'n `wie.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.

Sa nglô yile 3:7

«Nian ndɛ nga n klo kɛ a klɛ ko man Filadɛlfi asɔnun'n i anz'n yɛ: ‹M bɔ n ti Nyanmiɛn liɛ'n, bɔ n ti nanwlɛfuɛ'n, bɔ David i lakle'n wo min sa nun, bɔ sɛ min nyin anuan-an sran kwla tike-man'n, bɔ sɛ n tike-ɔ sran kwla nyin-man'n , n se kɛ yoo: