Daniɛl 9:21 - NYANMIƐN NDƐ'N 1998

²¹ Kɛ bɔ n tɛ ijɔ sɔ'n, kpɛkuun anz Gabriɛl nga bɔ n dun mmua wunnin i aolia nun klikli kun'n, ɔ tuli ndɛndɛ ɔ wunngeli mín wun wa, nnɔsua nun blɛ nga i nun yɛ be yi sraka'n i su yɛ ɔ bali-ɔ.

Daniɛl 9:21 ပူးပေါင်းရင်းမြစ်များ

1 Famiɛn Mun 18:29

Kɛ midi sinnin'n, be kpan flɛli Baal kekle kpa trali laa'n. Be yoli i sɔ lele fa ju blɛ nga be yi nnɔsua wia nun sraka'n, sanngɛ b'a ti-man be `fuɛn, b'a ti-man be `trɛ.

1 Famiɛn Mun 18:36

Kɛ blɛ nga be yi nnɔsua wia'n nun sraka'n juli'n, Eli ko jrannin nzrafuɛ'm be nyrun lɛ, yɛ ɔ seli kɛ: «Anannganman, Abraam Nyanmiɛn, Izaak Nyanmiɛn yɛ Zakɔb Nyanmiɛn, yo man ndɛkɛn be si kɛ wɔ yɛ a ti Izraɛl Nyanmiɛn nin-ɔn, nan n kusu n ti ɔ sufuɛ, nan wɔ yɛ man n yoli like nga kwlaa-a.

Jue Mun 103:20

Anz mun, amun bɔ an kplin amún nyin be yo i nuan ndɛ'n i su sa'n, bɔ amún fɛ i aniɛn'n su'n, amun `la Anannganman i ase.

Jue Mun 104:4

Aunngban'n ti kɛ ɔ jasin bofuɛ sa. Nyanmiɛn'n i sin b'ɔ kpa'n ti kɛ ɔ sufuɛ sa .

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Ezipt Lɔ Tulɛ'n 29:39

Man be fa kun be man min nglɛmun, kun'n kusu be `fa man min nnɔsua.

Ezai 6:2

Serafɛn'm be o i ti'n su. Kun lɛ ndɛwa nsiɛn kun lɛ ndɛwa nsiɛn: be fa nnyɔn be kata be nyrun, be fa nnyɔn be kata bé ja'm be su, yɛ be fa nnyɔn be tu.

Ezekiɛl 1:11

Be ndɛwa'm be nun nnyɔn be ti tinngɛwa nglo yɛ be kan be wiengu, be ndɛwa'm be nun nnyɔn kusu kata bé wun.

Ezekiɛl 1:14

Nnɛn sɔ'm be tru ko guɛ i wa, be tru ko guɛ i wa. Be wanndi ndɛndɛ kpa kɛ ngblannan ba b'ɔ su kpɛn'n sa.

Ezekiɛl 14:14

Kannzɛ bɔ sran nsan nga mun: Noe, nin Daniɛl, ɔ nin Zɔb be o mɛn sɔ'n i nun tranfuɛ'm be afiɛn'n bɔbɔ'n, sɛ be yo sa kpa'n, be ngunmin yɛ be ´nyan bé ti-ɔ.» Anannganman Nyanmiɛn'n yɛ ɔ kan sɔ-ɔ.

Daniɛl 10:10

Kpɛkuun sran sa kun kannin min, ɔ mannin min su. N kotoli nan m'an fuafua min sa ase, kɛ ɔ ´yo sɔ'n, wuun n ´usu.

Daniɛl 10:16

Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Daniɛl 10:18

Kpɛkuun like nga n wunnin i b'ɔ ti kɛ klɔ sran sa'n, ɔ kannin min ekun nan ɔ'a man min wunmiɛn.

Daniɛl 8:16

Kpɛkuun n tili sran kun nɛn, i nɛn sɔ'n ɔ fin Ilai'n nzue'n nun lɔ, ɔ seli kɛ: ‹Gabriɛl, tu aolia nun ninnge nga bian'n wunnin i'n i bo kle i.›

Daniɛl 8:18

Kɛ ɔ ´ijɔ kle min'n, wuun mín nyin tɛ utu ase, mín nyrun bluli. Ɔ fɛ i sa kannin min, kpɛkuun ɔ yoli man n jasoli.

Matthieu 27:46

Nnɔsua wia sɔ'n nun, Jésus kpannin kekle kpa, ɔ seli kɛ: «?Eli, Eli, lama sabaktani?» I bo'n yɛlɛ: ?Min Nyanmiɛn, min Nyanmiɛn, nguɛ ti yɛ a kaci ɔ sin a si min-ɔn ?

JÉSUS-CHRIST I DYASIN FE'N BO LUC KLELI'N 1:19

Anz'n seli i kɛ: « Min yɛ be flɛ min Gabriɛl nin-ɔn, n ti Nyanmiɛn i sran. Ɔ sunmannin min kɛ n wa wun ɔ wun nan n kan ndɛ fɛ nga n kle wɔ.

JÉSUS-CHRIST I DYASIN FE'N BO LUC KLELI'N 1:26

Kɛ Elizabɛt wunnzɛli i anglo nsiɛn su'n, Nyanmiɛn sunmannin anz Gabriɛl kunngba'n Galile klɔ kun bɔ be flɛ i Nazarɛt'n su.

Sa nga bé yôli'n 10:3

Le kun nnɔsua wia'n nun ɔ wunnin Nyanmiɛn i anz kun aolia nun, ɔ wluli i awlo lɔ, ɔ flɛli i.

Sa nga bé yôli'n 10:9

Kɛ aliɛ cɛnnin'n, be fali atin'n. Kɛ be ´mantan klɔ nuan lɔ'n, wuun Piɛr kusu ɔ'a fu sua i ti gbagblagba'n su kɛ ɔ ko koko yalɛ kle Nyanmiɛn. Kɛ ɔ ´yo sɔ'n, wuun wia'n su wa jran.

Sa nga bé yôli'n 12:7

Kpɛkuun e Min Nyanmiɛn i anz kun yɛ, sua ba nga be o nun'n i nun kpajali wauun. Anz'n finnin Piɛr nvɛn'n su nan ɔ'a tinnge. Ɔ seli i kɛ: «Jao waka!» Yɛ jrɔkɔ'm be fin i sa guali-ɔ.

Sa nga bé yôli'n 3:1

Le kun Piɛr nin Zan be su kɔ Nyanmiɛn i sua'n nun nnɔsua wia'n nun be nin Nyanmiɛn be yalɛ kokolɛ dɔ'n su.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 1:7

Yɛ ɔ kɛnnin i anz'm be ndɛ kɛ: «N kaci min anz mun kɛ aunngban sa, yɛ n kaci min sran mun kɛ sin taaman sa .»

Sa nglô yile 9:17

Nnɛn kpanngɔ mun nin be nga be fu bé su'n, n wunnin be aolia nun. Be nga be fu be su sɔ'n be lɛ like koklooklo be fa kata be wue'n su. Like sɔ'n wie blo kɛ sin sa, wie ti ble, yɛ wie ti ɔkwlɛ zouun kɛ sufru sa. Nnɛn kpanngɔ'm bé ti'n ti kɛ asɔmɔli'm be liɛ'n sa. Sin, nin wɛnsrɛn, ɔ nin sufru be fin bé nuan nun fite.