Daniɛl 9:20 - NYANMIƐN NDƐ'N 1998

²⁰ «N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Daniɛl 9:20 ပူးပေါင်းရင်းမြစ်များ

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Jue Mun 145:18

Be kwlaa nga be kpan flɛ Anannganman'n, ɔ mantan be. Sɛ be kpan flɛ i bɔ gblɛ nun-man nun'n, ɔ mantan be.

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Ezai 56:7

n ´fa be m ba m bɔbɔ min oka'n su wa, be ´su min min srɛwa sua'n nun, yɛ n ´yo man be klun ´jɔ. Bé tɛ bɔ be yra be nnɛn'n kɔlikɔli'n nin be sraka mun'n, n ´sɔ be nun min sɔwlɛ'n su, afin be ´flɛ mín sua'n kɛ Nvle-nvlefuɛ'm be Kwlaa be Nyanmiɛn Srɛlɛ Sua .

Ezai 58:9

I liɛ'n, sɛ amun flɛ Anannganman'n, ɔ ´tɛ amun su. Sɛ amun kpan flɛ i'n, ɔ ´se amun kɛ: ‹Min yɛ!› Sɛ amun yaci sran'm be su tinlɛ amun afiɛn'n, sɛ amun yaci ndɛ kpɛlɛ'n, sɛ amun yaci ndɛ ngbɛn-ngbɛn'm be kanlɛ'n ,

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Ezai 65:24

Yɛ m bɔbɔ n ´dun mmua n tɛ be su kwlaa nan b'a flɛ min, be nuan su tɔ-man nan m'an yo like nga be usa'n m'an man be.

Daniɛl 10:12

Ɔ seli min ekun kɛ: ‹Daniɛl, nán srɛ kun wɔ! Kɛ ɔ fin i cɛn klikli bɔ a kannin ɔ́ wun ase ɔ Nyanmiɛn'n i nyrun'n, bɔ a nyannin anwlɛn kɛ a ´kunndɛ sa nga be juli'n bé bo'n, Nyanmiɛn tili ɔ srɛlɛ'n, kpɛkuun n kusu n fali atin'n kɛ n ´fɛ i su tɛlɛ'n n fa blɛ wɔ.

Daniɛl 10:2

«I blɛ sɔ nun'n, m bɔbɔ min Daniɛl, n trannin sɛnvuɛ tranlɛ sɔ lele le mɔcuɛ klonglo nsan.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»

Sa nga bé yôli'n 4:31

Kɛ be kan ndɛ sɔ'n kle Nyanmiɛn wieli'n, lika nga be yiali nun'n kejeli, yɛ Nyanmiɛn Wawɛ'n yili i wun nglo be kwlaa be nun, nan b'a kan Nyanmiɛn ndɛ'n yakpa su.

Rɔmfuɛ Mun 3:23

Afin sran'm be kwlaa be yoli sa tɛ, ɔ man anyrunnyan nga Nyanmiɛn waan ɔ ´man be'n, ɔ to fuannin be.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

Sa nglô yile 21:10

Nyanmiɛn Wawɛ jrali min su, yɛ ɔ yo n kɛ anz'n ɔ'a fa min ɔ'a ɔ oka dan fleiin kpa kun su sa. Ɔ kleli min Nyanmiɛn klɔ'n b'ɔ fin Nyanmiɛn wun lɔ jrali'n bɔ yɛlɛ Zerizalɛm'n .

Sa nglô yile 21:2

Yɛ n wunnin Nyanmiɛn klɔ'n, ɔ fin i wun lɔ ɔ su jra. Ɔ ti kɛ atɔnvlɛ bɔ ɔ'a fɛfɛ i wun ɔ su minndɛ i wun'n sa. Klɔ sɔ'n yɛlɛ Zerizalɛm uflɛ'n .