Daniɛl 9:17 - NYANMIƐN NDƐ'N 1998

¹⁷ Siɛn'n, e Min e Nyanmiɛn, tie srɛlɛ tantrantan nga n srɛ wɔ yɛ'n. Nian ɔ bɔbɔ ti nan bu lika b'ɔ ti ɔ liɛ klonglo bɔ ɔ'a saci'n i akunndan.

Daniɛl 9:17 ပူးပေါင်းရင်းမြစ်များ

1 Famiɛn Mun 8:28

Sanngɛ Anannganman min Nyanmiɛn, kpɛ ɔ́ nyin wa nan tie min bɔ n ti ɔ sufuɛ'n min srɛwa'n. N jran min srɛwa sɔ'n su kpa. Tie kpanlɛ bɔ n su kpan flɛ wɔ ndɛkɛn'n.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Jue Mun 119:135

Nian min bɔ n ti ɔ sufuɛ'n min nyrun. Kle min sa nga ɔ waan be `yo'n i bo'n weiin nan n si i.

Jue Mun 4:6

Amun `yi sraka ng'ɔ fata'n. Yɛ amun `fa amun wun wla Anannganman i sa nun.

Jue Mun 67:1

Be kpɛli jue nga be fa mannin jue tofuɛ'm be su kpɛn'n. Kɛ be ´to'n, be bo like b'ɔ ti kɛ jru sa'n wie. Jue sɔ'n ɔ se kɛ:

Jue Mun 67:2

Ee Nyanmiɛn, si ye aunnvuɛ, yo é wun sa ye. Nian e nyrun

Jue Mun 74:3

Bla wa nian lika b'ɔ bubuli ɔ'a cɛ'n i osu. Ɔ kpɔfuɛ'm be sacili ɔ lika'n i nun ninnge'n kwlaa.

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Jue Mun 80:19

Yɛ e su kpɔci-man wɔ kun. Man e nguan, wɔ yɛ e ´su wɔ-ɔ.

Jue Mun 80:3

Yi ɔ wunmiɛn'n i nglo Efraim osu nunfuɛ mun nin Bɛnzamɛn osu nunfuɛ mun, ɔ nin Manase osu nunfuɛ'm be nyrun, bla wa de ye.

Jue Mun 80:4

Ee Nyanmiɛn, man e su ekun! Nian e nyrun klanman, i liɛ'n e ´nyan é ti.

Jue Mun 80:7

Wɔ man be nga be mɛn'n mantan e liɛ'n be kpɛ ndɛ e mɛn'n i falɛ ti. E kpɔfuɛ'm be yo e finfin.

Ezai 48:11

Sa ti bɔ n yoli sɔ'n, m bɔbɔ min dunman'n ti-ɔ, afin n klo-man kɛ n dunman'n ɔ yo finfin like. N fa-man min nyrun bɔ n lɛ i'n m man-man sran.

Ngwlɛ Yilɛ 3:56

N seli wɔ kɛ: «Fa ɔ su sie min fɛfɛlɛ'n nin min kpanlɛ'n i bo. Nán bu ɔ́ su nun waka!»

Ngwlɛ Yilɛ 5:18

Siɔn oka'n bɔ ɔ'a yo flɛnnɛn'n ti-ɔ. Ɔ'a kaci nsoso'm be kpitawlɛ.

Daniɛl 9:19

E Min, tie e ndɛ'n! E Min, yaci e fɔnlɛ'n cɛ ye! E Min, sie ɔ́ su! Min Nyanmiɛn, nian ɔ bɔbɔ ɔ ti nan bla wa yo e klɔ'n i kpa man ye, yɛ bu ɔ nvle nunfuɛ'm be akunndan afin be ti ɔ liɛ klonglo.› »

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

2 Korɛntfuɛ Mun 1:20

Afin sa kwlaa nga Nyanmiɛn waan ɔ ´yo'n, Krist kplin su yɛ ɔ yiɛ i nuan. I sɔ'n ti, Jésus ti e kusu e yra é nuan se kɛ: «Man ɔ yo sɔ!» I sɔ'n nun Nyanmiɛn nyan nyrun.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .