Daniɛl 9:16 - NYANMIƐN NDƐ'N 1998

¹⁶ Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Daniɛl 9:16 ပူးပေါင်းရင်းမြစ်များ

Neemi 9:8

A wunnin kɛ ɔ ti nanwlɛfuɛ nan a nin i b'a tra aenguɛ. A seli i kɛ a ´fa Kanaanfuɛ mun, ɔ nin Ɛtfuɛ mun, ɔ nin Amɔrfuɛ mun, ɔ nin Ferezfuɛ mun, ɔ nin Zɛbisfuɛ mun, ɔ nin Girgazfuɛ mun be mɛn'n ´man i osufuɛ mun. Yɛ nga a seli kɛ a ´yo'n, a yoli, afin a ti kpa.

Jue Mun 143:1

Jue nga ti David liɛ. I waan: Anannganman, sie ɔ́ su tie ɔ srɛlɛ bɔ n srɛ wɔ'n, sie ɔ́ su tie ɔ srɛlɛ tantrantan bɔ n srɛ wɔ'n. Nian ɔ nanwlɛ bɔ a di i titi'n nin ɔ sa bɔ a yo i nuan su'n ti, tɛ mín su.

Jue Mun 31:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 71:2

Wɔ bɔ a ti nanwlɛfuɛ'n, de min. Man min fiawlɛ kpa. Sie ɔ su mín nuan'n bo nan de min.

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Jue Mun 85:4

A guali ɔ ya'n kwlaa i ase, a yacili ɔ ya dan sɔ'n nun.

Jue Mun 89:51

Min Min, nán ɔ́ wla fi kuakualɛ nga be kuakuali ɔ sufuɛ mun'n su. A si kɛ mín ti su yɛ nyannzuɛn sɔ'n i kwlakwla taka-a.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 32:31

Anannganman kɛnnin ekun kɛ: «Kɛ ɔ fin cɛn bɔ be kplannin klɔ'n yɛ be sɔtɔli min ya kunlɛ nin min anwlɛn fɔkɔlɛ lele yɛ ɔ'a fa ju ndɛ yɛ. I sɔ'n ti, man klɔ'n ɔ sin jaso lɛ nan n `wun ase .

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Ezekiɛl 22:4

A ti sa tɛ yofuɛ sran bɔ a kun be'n ti, yɛ a yoli ɔ wun fiɛn amuɛn bɔ a yoli be'n ti. I sɔ bɔ a yoli'n ti, a kpɛli ɔ nguan'n i sin. Ɔ wulɛ blɛ'n ɔ'a ju. I sɔ'n ti, n ´kuakua wɔ nvle-nvle'm be nyrun. Mɛn'm be kwlaa be ´yo wɔ finfin.

Ezekiɛl 5:14

N wa bubu Zerizalɛm klɔ'n. Nvle nga be sin yia amun lɛ'n, ɔ nin be nga be ´sin'n amun nyrun lɛ'n, amun ´sokpa be nun .

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 9:20

«N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»

2 Tɛsalonikfuɛ Mun 1:6

Nanwlɛ, Nyanmiɛn wa yo sa ng'ɔ ti su'n, ɔ ´kle be nga be kle amun nyrɛnnɛn'n be nyrɛnnɛn wie,

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

1 Samiɛl 2:7

Anannganman man sran di yalɛ, i kunngba'n man sran ɔ nyɛn i wun. I kunngba'n ɔ man sran su, i kunngba'n ɔ kan sran ase.