Daniɛl 9:15 - NYANMIƐN NDƐ'N 1998

¹⁵ E Min e Nyanmiɛn, wɔ tinmin'n bɔ be jrɛn i nyrun-ɔn ɔ yo-man ye'n ti, a fali ɔ nvle'n nunfuɛ mun Ezipt mɛn'n nun lɔ bali, ɔ man ɔ dunman'n fuli, yɛ kɛ e ´se yɛ'n ɔ tɛ fu. Sanngɛ é nyin a yi-man wɔ, e fɔnnin.

Daniɛl 9:15 ပူးပေါင်းရင်းမြစ်များ

1 Famiɛn Mun 8:51

Ɔ liɛ yɛlɛ be, be ti ɔ nvle nunfuɛ mun. Wɔ yɛ a ko yili be Ezipt lɔ afɛ dan'n nun fiteli-ɔ.

2 Famiɛn Mun 21:15

Sa ti bɔ n ´yo sɔ'n, yɛlɛ kɛ, kɛ ɔ fin cɛn bɔ be nannan'm be fin Ezipt lɔ bali lele b'ɔ ´fa ju ndɛ'n, sa ng'ɔ yo-man min fɛ'n, b'ɔ kun min ya'n, yɛ be yo-ɔ.› »

2 Be Nyoliɛ 6:37

Kɛ be o kanga'n nun mɛn sɔ'n nun lɔ'n, atrɛkpa-a, be ´kaci akunndan, yɛ be ´fa bé wun wla ɔ sa nun ekun. Atrɛkpa-a, be ´se kɛ: ‹E yoli sa tɛ. Atin nga e nantili su'n ti-man sein. E ndɛ yo-man fɛ.›

Neemi 1:10

Be ti ɔ sufuɛ mun, be ti ɔ nvle i nunfuɛ mun. Ɔ kwlalɛ bɔ a kwla'n ɔ nin ɔ tinmin dan'n yɛ man a deli be-ɔ.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Jue Mun 106:8

Sanngɛ kɛ ɔ ´yo nan Anannganman ɔ'a nyan dunman'n ti, ɔ deli be. Ɔ deli be sɔ nan be ´si kɛ kannzu ɔ kwla sakpa.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 14:18

Kɛ n ko kwla be'n, bɔ sran'm be ko manman min'n, Eziptfuɛ'm be wa si kɛ min yɛ n ti Anannganman nin-ɔn.»

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 6:1

Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 9:16

Sanngɛ ɔ yacili wɔ lɛ kɛ ɔ ´yo nan w'a wun i tinmin'n, nan kusu i dunman'n ɔ'a fu asiɛ'n su'n ti .

Ezai 55:13

Siprɛs'm be ´fifi susrɛ'm be osu, yɛ mirt'm be ´fifi flɔn'm be osu. I sɔ'n ɔ wa yo Anannganman'n i manmanlɛ like. Ɔ ´yo nzɔliɛ kun b'ɔ ´ka lɛ tititi, b'ɔ be su yi-mɛn i lɛ le.

Ezai 64:4

Be nga be tu be klun be yo ɔ klun sa'n, bɔ atin nga a kle be'n i su falɛ akunndan yɛ ɔ o be klun'n, a uka be. Sɛ a fali ya'n, é sa tɛ bɔ e yoli'n i ti-ɔ. ?Sanngɛ e ´yo sɛ yɛ e ´fite nun-ɔn?

Zeremi 14:20

Anannganman, e si kɛ e ti-man sɛsɛ ɔ nyrun. E si kɛ é si'm be yoli sa tɛ. Nanwlɛ e fɔnnin ɔ́ wun.

Zeremi 32:10

N klɛli i tolɛ'n i wun fluwa nnyɔn, n ´fali min nzɔliɛ'n n sieli kun su, n kɛtɛli i ti lalofuɛ'm be nyrun yɛ n sunnzunnin sika'n toe su m mɛnnin i-ɔ.

Ngwlɛ Yilɛ 3:42

E yoli sa tɛ, e yoli nyin kekle dan. Kɛ ɔ yoli sɔ'n kusu w'a yaci-man a cɛ-man ye.

Ezekiɛl 5:6

I su sran'm b'a fa-man min mmla nin min ndɛ nga n kan kleli be'n be su. Be liɛ'n, sa tɛ'n i yolɛ'n yoli be fɛ dan kpa trali nvle nga be mantan be lɛ'n mun. Afin b'a di-man min mmla'm be su, b'a nanti-man atin nga n kleli be'n i su .›

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

JÉSUS-CHRIST I DYASIN FE'N BO LUC KLELI'N 15:21

Ba'n seli i si kɛ: ‹Baba, m'an yo tɛ nyanmiɛn'n bo yɛ m'an yo wɔ tɛ. Kɛ be se kɛ n ti ɔ́ wa'n, ɔ nin i sɔ fata-man kun.›

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

2 Korɛntfuɛ Mun 1:10

I yɛ ɔ deli ye nyrɛnnɛn wie sɔ nun-ɔn, yɛ ɔ wa de ye. E wla o i su kɛ sɛ an uka ye e se i kɛ ɔ jran é sin'n, ɔ ´de ye ekun. Ɔ man kɛ sran sunman be srɛ i kɛ ɔ yo e ye'n, b'ɔ yo'n, sran sunman kusu be ´lɛ i ase e ti.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.