Daniɛl 9:14 - NYANMIƐN NDƐ'N 1998

¹⁴ I sɔ'n ti yɛ ɔ waan san nyrɛnnɛn sa'm be ´tɔ ye su nin-ɔn. Afin Anannganman e Nyanmiɛn, sa nga a yo'n kwlaa ɔ ti i nuan su, sanngɛ y'a sie-man e su ɔ́ nuan bo.

Daniɛl 9:14 ပူးပေါင်းရင်းမြစ်များ

2 Be Nyoliɛ 12:6

Famiɛn'n nin i awlo lɔ sran dandan'm be wunnin kɛ b'a yo tɛ. Yɛ be waan: «Anannganman ndɛ yo fɛ.»

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Jue Mun 111:7

Sa ng'ɔ yo'n be kle kɛ ɔ di nanwlɛ nan ɔ yo sa i nuan su. I mmla ng'ɔ ko kle be'n, be fa bé wla be gua be su-ɔ ɔ yo ye.

Jue Mun 116:5

Anannganman yaci sa cɛ, ɔ yo sa i nuan su. E Nyanmiɛn'n si aunnvuɛ.

Jue Mun 119:137

Ee Anannganman, a yo sa i nuan su! A nian mmla'n su yɛ a bu ndɛ mun-ɔn.

Jue Mun 51:14

Aklunjuɛ nga i nun bɔ a de min a fa mannin min'n, fa man min ekun, yɛ man ɔ Wawɛ klun ufuefuɛ'n ɔ suan min bo.

Ezipt Lɔ Tulɛ'n 9:27

Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 31:28

Kɛ n niannin nun m buli bé bo, bɔ n tuli be bo kɛ waka sa'n, bɔ n nunnunnin be, n kunnin be bɔ n yoli sa kekle'n, yɛ n wa nian nun n ´kplan be yɛ n ´ta be-ɔ.» Anannganman'n yɛ ɔ kan sɔ-ɔ.

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Ezekiɛl 16:43

Ɔ wla ɔ'a kpɛn-man nga n yo m mannin wɔ i nun bɔ a tɛ yo kaan'n i su, yɛ a kunnin min ya wɔ aeliɛ'm be nun. I sɔ'n ti n wa yo a wa sua ɔ́ sa tɛ'n i su afɛ'n. Min Anannganman Nyanmiɛn'n yɛ n kan sɔ-ɔ. ?Kɛ a ´yo tete sa sɔ mun'n, w'a yo-man nyannzuɛn sa uflɛ mun ekun?»

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.