Daniɛl 9:13 - NYANMIƐN NDƐ'N 1998

¹³ Nyrɛnnɛn sɔ'n bɔ be kannin be ndɛ Moiz i mmla'n nun'n, be kwlaa be juli e su. Kpɛkuun e kusu y'a kpata-man wɔ kɛ a gua ɔ ya'n i ase. Anannganman e Nyanmiɛn, y'a kaci-man é sin y'a si-man é sa tɛ mun, y'a bu-man ɔ gugulɛ nga a guguli'n i akunndan.

Daniɛl 9:13 ပူးပေါင်းရင်းမြစ်များ

2 Famiɛn Mun 22:16

«Anannganman b'ɔ ti Izraɛl Nyanmiɛn'n wan yoo: ‹N wa yo man nyrɛnnɛn nga be kɛn i ndɛ fluwa nga Zida famiɛn'n kanngannin nun'n i nun'n, ɔ ´tɔ lika ng'ɔ o yɛ'n ɔ nin i nunfuɛ'm bé su.

Zɔb I Nyrɛnnɛn Wunlɛ 36:13

Be nga be bu-man Nyanmiɛn like fi'n, be fa ya i wun. Kɛ b'a yo bɔ ɔ'a ci be'n, be sun flɛ-mɛn i .

Jue Mun 119:18

Tike mín nyin man n wun ɔ mmla'n b'ɔ be yo nyɛnmɛn'n.

Jue Mun 119:27

Ɔ mmla nga a sie be'n, yiyi be nun kle min man m `bu wɔ abonuan ninnge'm be akunndan.

Jue Mun 119:73

A siesieli min kɛ be fa wu talie'n sa, kusu wɔ yɛ man n jran ca-a ɔ yo ye-ɔ. Man min ngwlɛlɛ man n `fa suan ɔ mmla mun.

Jue Mun 85:4

A guali ɔ ya'n kwlaa i ase, a yacili ɔ ya dan sɔ'n nun.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Ezai 64:7

Ɔ nin sɔ'n ngba'n, Anannganman, a ti é si. E ti kɛ ufa sa, wɔ yɛ a ti ye ufuɛ-ɔ. E kwlaa e ti ɔ́ sa nuan like .

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Zeremi 44:23

Nyrɛnnɛn nga ɔ'a tɔ amun su andɛ yɛ'n, i bo'n yɛlɛ ansans nga amun yrɛli i'n nin sa nga amun yoli b'ɔ loli Anannganman'n i ngasi'n, nin i nuan su ndɛ bɔ amu'an tie-man'n, ɔ nin i mmla fanunfanun b'ɔ amu'an fa-man be su'n.»

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Ngwlɛ Yilɛ 5:21

Cuɛn e bla ɔ́ wun Anannganman, man e mantan wɔ. Fɛ nga e di i laa'n, yo man e di i ekun.

Ezekiɛl 16:43

Ɔ wla ɔ'a kpɛn-man nga n yo m mannin wɔ i nun bɔ a tɛ yo kaan'n i su, yɛ a kunnin min ya wɔ aeliɛ'm be nun. I sɔ'n ti n wa yo a wa sua ɔ́ sa tɛ'n i su afɛ'n. Min Anannganman Nyanmiɛn'n yɛ n kan sɔ-ɔ. ?Kɛ a ´yo tete sa sɔ mun'n, w'a yo-man nyannzuɛn sa uflɛ mun ekun?»

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Ndɛ Nga Nyanmiɛn I Nuan Ijɔfuɛ Oze Kannin'n 7:10

Izraɛlfuɛ'm be tutre bɔ be di'n ɔ'a saci bé wun. Izraɛlfuɛ'm b'a sa-man bé sin min Anannganman bɔ n ti be Nyanmiɛn'n mín wun. I kwlaa sɔ nun'n b'a usa-man min osu.

Ndɛ Nga Nyanmiɛn I Nuan Ijɔfuɛ Oze Kannin'n 7:14

Be kpan flɛ min kɛ n wa de be, sanngɛ min flɛlɛ sɔ'n ɔ jɔ-man be klun kpa. Kɛ be la'n, be bu-man be nyinma, be kpli be bɛ'n su kplakplakpla. Be liɛ'n be bu i kɛ, kɛ be bobo bé wun kannin'n yɛ be wa nyan aliɛ be ´di-ɔ, yɛ be ´nyan nzan lɔflɛ be ´nɔn-ɔn. Kusu wuun kɛ ɔ ´yo sɔ'n, wuun e nin be ye afiɛn'n ɔ'a saci.

Ndɛ Nga Nyanmiɛn I Nuan Ijɔfuɛ Oze Kannin'n 7:7

Kɛ b'a lo klakla'n, wuun be su kun be su kpɛnngbɛn mun. Kɛ be famiɛn'm be tɔ kunngun sa! Sanngɛ be nun kun sa kpan flɛ-man min kɛ n `de be le.

JÉSUS-CHRIST I DYASIN FE'N BO LUC KLELI'N 24:45

Yɛ ɔ man be wunnin Nyanmiɛn Ndɛ nga be klɛli'n i wlɛ-ɔ.

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Jean 6:45

Nyanmiɛn nuan ijɔfuɛ'm be klɛli i kɛ: ‹Nyanmiɛn wa kle be kwlaa be like .› Sran kwlaa ng'ɔ ti n Si i ndɛ'n b'ɔ fa su'n, ɔ ´ba ń sin.

Jean 8:32

wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Efɛzfuɛ Mun 4:21

Afin nanwlɛ, an tili Jésus ndɛ bɔ be kan'n, yɛ sran wunmuan bɔ amun nin i kacili'n ti'n, be kleli amun nanwlɛ ndɛ ng'ɔ kleli'n.

Mmla'n 29:4

Ɔ dunnin amun nyrun mmua aawlɛ flɛnnɛn'n nun, amun tralɛ'm b'a titi-man amún wun, amun ngbabua'm b'a kpɛkpɛ-man amun ja bo.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.