Daniɛl 9:12 - NYANMIƐN NDƐ'N 1998

¹² Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Daniɛl 9:12 ပူးပေါင်းရင်းမြစ်များ

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

2 Famiɛn Mun 22:16

«Anannganman b'ɔ ti Izraɛl Nyanmiɛn'n wan yoo: ‹N wa yo man nyrɛnnɛn nga be kɛn i ndɛ fluwa nga Zida famiɛn'n kanngannin nun'n i nun'n, ɔ ´tɔ lika ng'ɔ o yɛ'n ɔ nin i nunfuɛ'm bé su.

Zɔb I Nyrɛnnɛn Wunlɛ 12:17

Ɔ yo man siefuɛ'm be nanti bé ja ngbɛn, yɛ ɔ yo man jɔlɛ difuɛ'm be ngwlɛlɛ'n ɔ wie.

Jue Mun 148:11

asiɛ'n su famiɛn mun o, nvle'm be nunfuɛ mun o, amun kwlaa, famiɛn i awlo lɔ sran dandan mun o, yɛ asiɛ'n su kpɛnngbɛn mun o,

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Nyanndra Mun 8:16

Ngbɛn'm be klɔ sielɛ'n, ɔ fin min.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 39:16

«Se Ebɛd-Melɛk b'ɔ ti Etiopifuɛ'n kɛ: ‹Min Anannganman bɔ n sie mɛn wunmuan'n, bɔ n ti Izraɛl Nyanmiɛn'n, min wan yoo: Sa nga n kannin'n, nán cenjele sa-a. Nyrɛnnɛn sa nga n kannin kɛ n ´fa yi i klɔ nga su'n, ɔ'a wie ju ɔ'a wie, ɔ ´yo ɔ nyrun.

Zeremi 44:23

Nyrɛnnɛn nga ɔ'a tɔ amun su andɛ yɛ'n, i bo'n yɛlɛ ansans nga amun yrɛli i'n nin sa nga amun yoli b'ɔ loli Anannganman'n i ngasi'n, nin i nuan su ndɛ bɔ amu'an tie-man'n, ɔ nin i mmla fanunfanun b'ɔ amu'an fa-man be su'n.»

Ngwlɛ Yilɛ 1:12

Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 13:6

Be aolia nun sa nga be wun be'n be ti ngbɛn-ngbɛn, wunnzue nga be yi'n ɔ ti ato. Be se kɛ: Ndɛ nga Anannganman kan'n yɛ, kusu wuun nán Anannganman'n yɛ ɔ sunmannin be-ɔ. Be yo man sran'm be fa bé wla gua su kɛ be ndɛ'n i nuan wa yia.

Ezekiɛl 5:9

N wa kle amun nun. Sa nga n wa fa wla amun nun'n, n nian yo-mɛn i sɔ le. Yɛ n su yo-mɛn i sɔ'n wie kun le. Afin tete sa dan kpa yɛ an yoli-ɔ .

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Zakari 7:12

Be buli bé su nun waka kpɔ! Mmla nin ndɛ nga Anannganman b'ɔ sie mɛn wunmuan'n i Wawɛ'n fa wlɛli i nuan ijɔfuɛ laa'm bé nuan kɛ be kan'n, be waan nán be yɛ be ko ti-ɔ. Ɔ man i kusu ɔ wa fali ya dan kpa.

Matthieu 24:21

Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Marc 13:19

Afin blɛ sɔ'n wa yo nyrɛnnɛn blɛ kun bɔ kɛ ɔ fin lalaa bɔ Nyanmiɛn yili mɛn'n lele b'ɔ ´fa ju ndɛ'n, i wunsu nian yo-man le, yɛ i wunsu su yo-man kun le .

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

Rɔmfuɛ Mun 15:8

Yoo: Jésus-Krist bali be nga be wla klɛn'n be lika nianlɛ nan be wun kɛ Nyanmiɛn ti nanwlɛfuɛ. Ɔ bali kɛ ɔ ´yo like nga Nyanmiɛn seli e nannan'm be kɛ ɔ ´yo man be'n.