Daniɛl 9:10 - NYANMIƐN NDƐ'N 1998

¹⁰ Kɛ a seli ye kɛ e `fa ɔ mmla nga a kan kleli ɔ sufuɛ nga be ti ɔ́ nuan ijɔfuɛ'm be kɛ be `fa man ye'n bé su'n, y'a sie-man é su ɔ ndɛ sɔ'n i bo.

Daniɛl 9:10 ပူးပေါင်းရင်းမြစ်များ

2 Famiɛn Mun 18:12

Sa sɔ'n juli be su yɛlɛ kɛ b'a tie-man Anannganman be Nyanmiɛn'n i aniɛn'n. Sa sɔ'n i bo'n i wie yɛlɛ kɛ aenguɛ nga Anannganman nin be trali'n, b'a bu-mɛn i like fi, yɛ b'a fa-man ndɛ nga Anannganman i sufuɛ Moiz kan kleli be'n su. I ti b'a nian-man su b'a nanti-man.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Hébreu 1:1

Lalafuɛ nun Nyanmiɛn man i nuan ijɔfuɛ'm be bobo i ndɛ'm be su wafa-wafa kleli e nannan mun.