Daniɛl 8:9 - NYANMIƐN NDƐ'N 1998

⁹ I wɛ kaan kpa kun fifili laa liɛ sɔ'm be nun kun nun, ɔ trɛ ɔli ngua bue liɛ'n su lɔ nin wia afiliɛ bue'n su lɔ, ɔ nin mɛn klanman kpa'n i bue liɛ'n su lɔ.

Daniɛl 8:9 ပူးပေါင်းရင်းမြစ်များ

Jue Mun 105:24

Nyanmiɛn man i nvlefuɛ'm be wuli ba kpanngban kpa. Ɔ yoli man be kwlalɛ bɔ be kwlali'n trali be kpɔfuɛ'm be liɛ'n.

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Ezekiɛl 20:15

Aawlɛ flɛnnɛn nun lɔ'n, m bɔbɔ min ekun yɛ n tali be nda kɛ n fa-man be n kɔ-man mɛn klanman nga min waan n ´fa man be i nun lɔ kun nin-ɔn. Mɛn sɔ'n i nun lɔ asiɛ'n ɔ yo like ye kpa, yɛ i kunngba'n ɔ ti nnɛn tawlɛ klanman. Mɛn sɔ'n i klanman tra mɛn'm be kwlaa.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:21

Sran ng'ɔ wa ´trɛn i ja nun'n, ɔ ´yo sran kun b'ɔ lɛ-man nyrun bɔ be fa famiɛn bia'n be mɛn i-ɔ. Kɛ lika'n ti fɔun'n, bian sɔ'n ɔ wa fa gblɛ yɛ ɔ de famiɛn bia nin-ɔn.

Daniɛl 7:8

Kɛ n wo lɛ bɔ n ´niɛn i wɛ sɔ mun'n, kpɛkuun i wɛ kaan kun ekun su fi ba. Kpɛkuun laa liɛ'm be nun nsan b'a tutu b'a gua. I wɛ uflɛ sɔ'n, ɔ lɛ nyinma kɛ sran sa. Ɔ lɛ nuan ɔ fa kan wun tulɛ ndɛ mun.»

Zakari 7:14

N kannin be bo n guɛli i nvle nga be bɔbɔ be si-man nun laa'n be nun. Be mɛn'n tɔli bliin, sran fi kɔ-man lɔ, yɛ sran fi fin-man lɔ ba-man. Be bɔbɔ be yoli man be mɛn sɔ'n bɔ i nun yo-man fɛ ngowa'n, ɔ kali lɛ ngbɛn.»