Daniɛl 8:4 - NYANMIƐN NDƐ'N 1998

⁴ Kɛ n ´nian'n, n wunnin kɛ bua nene'n ɔ toto i wɛ'n wia atɔliɛ bue liɛ'n su lɔ nin nglo lɔ, nin ngua lɔ. Nnɛn uflɛ fi kwla jrɛn-mɛn i nyrun. Be kwla de-man sran fi i sa nun. Like kwlaa ng'ɔ klo kɛ ɔ ´yo'n yɛ ɔ yo-ɔ. Kpɛkuun ɔ yo dan kɔ i nyrun.

Daniɛl 8:4 ပူးပေါင်းရင်းမြစ်များ

1 Famiɛn Mun 22:11

Be nun kun suan Sedesias, Kɛnana i wa-a. Ɔ fali blalɛ fa boli like kɛ nnɛn wɛ sa, kpɛkuun ɔ seli kɛ: «Anannganman waan: ‹A ´fa nnɛn wɛ nga ´bo Sirifuɛ mun lele a ´nunnun be.› »

Zɔb I Nyrɛnnɛn Wunlɛ 10:7

Kusu wuun a si jrɛiin kɛ m'an yo-man sa, yɛ a si kɛ sran fi kwla de-man min ɔ́ sa nun.

Jue Mun 44:5

Min Min, min famiɛn, sɛ ɔ sran'm be ´kwla'n, ɔ fin wɔ.

Jue Mun 50:22

Amun bɔ amún wla nun-man min su kun'n, amun `bu ndɛ nga n kannin'n i akunndan. Ɔ'a yo-man sɔ-ɔ, cɛn nga n ´jɔjɔ amun nun'n, sran fi su de-man amun.

Jue Mun 7:2

Anannganman min Nyanmiɛn, min waan n ´talo wɔ. De min be kwlaa bɔ be kle min yalɛ'n bé sa nun, yo man n nyan n ti.

Ezekiɛl 34:21

Amun fali amun wue'n nin amun bue kun suli nnɛn fakafaka'm be bo. Amun fali amun wɛ sili be yɛ amun fuannin be amun afiɛn.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Daniɛl 7:5

Nnɛn'n i nnyɔn su'n ti kɛ nnɛn ngble wie bɔ be flɛ i urs'n sa, ɔ sɛ nguku. Nvɛn ba nsan bo i je nun. Be seli i kɛ: ‹Jaso nan di nnɛn kpanngban.›

Daniɛl 8:7

N ´wun i-ɔ, ɔ'a si bua nene'n ɔ jin i su ɔ su bo i, ɔ bubuli i wɛ nnyɔn mun. Ɔ suli bua nene'n yili i ase. Bua nene sɔ'n kwla jrɛn-mɛn i nyrun mlɔnmlɔn. Ɔ tiɛtiɛli i su. Sran fi ɔ'a kwla de-mɛn i i sa nun.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mmla'n 33:17

Zozɛf ti kpinndin-kpinndin kɛ nannin tola wie sa. Ɔ lɛ wunmiɛn kɛ awuɛ sa. I wɛ nnyɔn'n yɛ ɔ fa bo nvle mun-ɔn. Ɔ bo be kwlaa lele fa kpɛn mɛn'n i awieliɛ lɔ. I wɛ sɔ'n, kun yɛlɛ Efraim i akpasua su sran kpanngban mun. Kun kusu yɛlɛ Manase i osu nun sran kaka mun.»