Daniɛl 8:26 - NYANMIƐN NDƐ'N 1998

²⁶ Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Daniɛl 8:26 ပူးပေါင်းရင်းမြစ်များ

Ezai 24:22

Be ´fa be gua kunman dan kun nun, be wla be bisua lika kun nun. Be ´ka lɔ lelele kpɛkuun be ´di be jɔlɛ .

Ezekiɛl 12:27

«Klɔ sran, nian, ndɛ nga Izraɛlfuɛ'm be kan'n yɛ: ‹Aolia nun ndɛ nga'm be su ju-man icra'n nun wa. Blɛ ng'ɔ ´ba mmua-mmua lɔ'n i nun ndɛ yɛ Ezekiɛl ´bo su lɛ-ɔ.›

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 11:2

Siɛn'n n wa kan nanwlɛ ndɛ'n n kle wɔ.» «Famiɛn nsan be wa kaci be wiengu Pɛrs mɛn'n su. I sin famiɛn nnan su b'ɔ wa ba'n ɔ wa nyɛn i wun kpa tra be nga be dun mmua i nyrun'n. Blɛ bɔ i anyanbeun ninnge'm be wa mɛn i wunmiɛn'n, ɔ wa yo i kwlaa ng'ɔ kwla yo'n nan ɔ nin Grɛk mɛn'n b'a kun'n.

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Daniɛl 12:9

Ɔ tɛli min su kɛ: ‹Daniɛl kɔ, nán ɔ klun titi wɔ, afin ndɛ sɔ'm be ´yo fiawa lele san awieliɛ blɛ'n ɔ ´ju.

Sa nglô yile 10:4

Kɛ ɔ sɔli su sɔ'n, min wan n ´klɛ, sanngɛ n tili sran kun nɛn nyanmiɛn su lɔ, sran sɔ'n seli n kɛ: «Kɛ nyanmiɛn'n kplali kpɛ nso'n, ndɛ ng'ɔ kannin'n, fia su, nán klɛ.»

Sa nglô yile 22:10

I sin ɔ seli min ekun kɛ: «Sa nga be wa ju bɔ be o fluwa nga nun'n, nan fia bé su! Afin sa sɔ'm bé cɛn'n su wa ju.