Daniɛl 8:25 - NYANMIƐN NDƐ'N 1998

²⁵ Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Daniɛl 8:25 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:20

Kɔnguɛ a ´nian-an, b'a wu. Sran'm be jaso kpɛnngbɛn'm bé wun, kpɛkuun kpɛnngbɛn sɔ'm b'a wu. Sran b'ɔ kwla'n i kunlɛ'n ɔ ti sɔ fuɛɛ!

Zeremi 48:26

«Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Daniɛl 11:12

Ezipt famiɛn'n ɔ wa fɛ i kwlalɛ sɔ'n fa tu i wun dan kpa. Ɔ nin i sɔ'n ngba'n, kannzɛ ɔ kunnin sran kpanngban'n, ɔ su kwla-man be guɛ-mɛn i ti nin i bo.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 7:26

I sin'n, nyanmiɛn su lɔ jɔlɛ difuɛ'm be ´yia, kpɛkuun be ´de nnɛn sɔ'n i sa nun kwlalɛ'n, be ´saci kwlalɛ sɔ'n, yɛ be su wun-mɛn i kun.

Daniɛl 7:8

Kɛ n wo lɛ bɔ n ´niɛn i wɛ sɔ mun'n, kpɛkuun i wɛ kaan kun ekun su fi ba. Kpɛkuun laa liɛ'm be nun nsan b'a tutu b'a gua. I wɛ uflɛ sɔ'n, ɔ lɛ nyinma kɛ sran sa. Ɔ lɛ nuan ɔ fa kan wun tulɛ ndɛ mun.»

Daniɛl 8:11

Ɔ ti nyanman lele toli nyanmiɛn su lɔfuɛ'm bé su kpɛn'n i lɔ. Ɔ man be yacili tɛ nga be yi man kpɛn sɔ'n cɛn kwlakwla'n i yilɛ, nan ɔ'a yo kpɛn'n i tranwlɛ'n i fiɛn.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.

2 Tɛsalonikfuɛ Mun 2:3

Nán man sran fi laka amun sa fi su. Afin san sran'm be ´jao Nyanmiɛn wun, yɛ bian b'ɔ di-man mmla'n su'n bɔ be sieli i kɛ ɔ mlin'n, ɔ ´yi i wun nglo nan cɛn sɔ'n ɔ'a ju.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»