Daniɛl 8:23 - NYANMIƐN NDƐ'N 1998

²³ Kɛ famiɛn diwlɛ sɔ'n be ko sin ko wie, bɔ sran'm be sa tɛ yolɛ'n ɔ'a yo dan ɔ'a tratra su'n, famiɛn tutrefuɛ kun b'ɔ ti gblɛ kpɛfuɛ dan kpa'n ɔ wa ba.

Daniɛl 8:23 ပူးပေါင်းရင်းမြစ်များ

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

Nyanndra Mun 1:6

Sɛ ngwlɛlɛfuɛ sɔ'm be ti nyanndra nga be bu be'n, be ´si bé bo, yɛ kosan nga be blublu su'n, be `wun i wlɛ. Yɛ i waan ɔ ´bu i sɔ nan ngwlɛlɛfuɛ'm be ndɛ nga be kan'n nin be akunndan nga be bu'n, be `wun bé sin.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 38:8

Cɛn wie lele'n, a wa dun be mmua kɛ ɔ cɛ lele'n, a wa tɔ mɛn nga alɛ'n ɔ'a di-mɛn i'n su. Kɛ ɔ yo sɔ'n, wuun b'a fin mɛn fanunfanun nga be o nun'n be nun b'a fite'n, wuun b'a ´yia kpanngban kpa Izraɛl oka lika bɔ be ti koun'm be su'n, wuun b'a ´tran be awlo'm be nun fɔuun .

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 11:21

Sran ng'ɔ wa ´trɛn i ja nun'n, ɔ ´yo sran kun b'ɔ lɛ-man nyrun bɔ be fa famiɛn bia'n be mɛn i-ɔ. Kɛ lika'n ti fɔun'n, bian sɔ'n ɔ wa fa gblɛ yɛ ɔ de famiɛn bia nin-ɔn.

Daniɛl 11:24

Kɛ lika'n ti fɔun'n, ɔ kɔ lika kpa bɔ be yo i nun like-ɔ ɔ yo ye'n be nun. Ɔ ´yo like nga i si nin i nannan'm b'a yo-man'n. Ɔ ´fɛn lika sɔ'm be nun ninnge mun, ɔ ´cɛcɛ ninnge nga be fɛnnin'n, nin anyanbeun ninnge mun ´fa mɛn i sran liɛ mun. Ɔ wa bu akunndan kɛ ɔ ´fa alɛ'n lele ɔ ko kpu sran'm be fiawlɛ klɔ'm be su. Sanngɛ i kwlaa sɔ'n ɔ su cɛ-man.

Daniɛl 7:11

N tɛ nian, afin n ti nnɛn'n i wɛ kaan'n i wun tulɛ ndɛ b'ɔ kan be'n. Kɛ bɔ n ´niɛn i sɔ'n, n ´wun i-ɔ, b'a kun nnɛn nnan su'n, kpɛkuun be sacili i wunnɛn'n, yɛ be fɛli i be yili sin dan kun nun.

Daniɛl 7:20

N usɛli i wɛ blu bɔ be o i ti'n su'n bé wun ndɛ. Yɛ n usɛli i wɛ kun'n b'ɔ fili b'ɔ yoli man laa liɛ be nun nsan be tutu guali'n i wun ndɛ ekun. I wɛ sɔ'n ɔ lɛ nyinma, ɔ kan wun tulɛ ndɛ mun. Kɛ be wun i'n, ɔ yo kɛ ɔ yo sro tra be nga mun.

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 7:8

Kɛ n wo lɛ bɔ n ´niɛn i wɛ sɔ mun'n, kpɛkuun i wɛ kaan kun ekun su fi ba. Kpɛkuun laa liɛ'm be nun nsan b'a tutu b'a gua. I wɛ uflɛ sɔ'n, ɔ lɛ nyinma kɛ sran sa. Ɔ lɛ nuan ɔ fa kan wun tulɛ ndɛ mun.»

Daniɛl 8:22

Kɛ i wɛ sɔ'n buli'n, wɛ nnan uflɛ be fifili i osu'n nun, wɛ nnan sɔ'm be ti famiɛn diwlɛ nnan'm be nzɔliɛ, be wa sin klikli liɛ'n i osu'n nun. Sanngɛ be tinmin'n su ju-man kɛ i liɛ'n sa.

Daniɛl 8:24

I tinmin'n wa yo dan kpa, sanngɛ nán kɛ tinmin sɔ'n fin i bɔbɔ ti-ɔ. Ɔ wa saci ninnge mun kpa, like kwlaa ng'ɔ wa yo'n, ɔ ´yo ye i sa nun. Ɔ ´nunnun sran nga be ti tinwa mun nin Nyanmiɛn i nvle'n nunfuɛ mun bɔbɔ .

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Kalɛ 24:24

Kitim bue liɛ'n su lɔ alɛ mma'm be su ba Be nga be fa mɛn'n, be ´yo Asirifuɛ mun be nin Ebɛr i osu'n nunfuɛ'm be tɛtɛ, sanngɛ be bɔbɔ kusu be su kɔ mlinlɛ.»

Matthieu 23:32

Sɛ ɔ ti sɔ'n, like nga amún si'm be boli i bo'n, an `guɛguɛ i bo.

Mmla'n 28:50

Sran sɔ'm be like yolɛ ´yo ya kpa. Bé nyin su yi-man kpɛnngbɛn mun. Yɛ kusu be su si-man bakan aunnvuɛ.

1 Tɛsalonikfuɛ Mun 2:16

Be waan be ´yo sɔ nan nán man e kan ndɛ kle be nga be ti-man Zuif nan be `nyan be ti. Kɛ be yo sɔ'n, ɔ man bé sa tɛ nga be yo'n ɔ gua su tititi. Sanngɛ siɛn'n, Nyanmiɛn i ya'n ɔ'a jao bé wun.

1 Timote 4:1

Nyanmiɛn Wawɛ'n kɛn i weiin kɛ, cɛn wie lele kɛ mɛn'n ´kɔ i bue nuan'n, sran wie'm be su lafi-man Nyanmiɛn su kun, be ´fa like nga mmusu bɔ be laka sran'n be kle'n su.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.