Daniɛl 8:19 - NYANMIƐN NDƐ'N 1998

¹⁹ I sin ɔ seli min kɛ: ‹B'a sie blɛ kun bɔ Nyanmiɛn i ya'n ɔ wa jɔ, bɔ mɛn'n ɔ wa wie-ɔ. I sɔ blɛ'n i nun'n, sa nga be wa ju'n mun yɛ n wa tike be su n ´kle wɔ lɛ-ɔ.

Daniɛl 8:19 ပူးပေါင်းရင်းမြစ်များ

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Daniɛl 11:27

Famiɛn nnyɔn'm be ´kunndɛ kɛ be ´yo be wiengu tɛ. Blɛ bɔ be wo aliɛ'n sin'n, ato ngunmin yɛ be ´bua kle be wiengu-ɔ. Sanngɛ sa fi su ju-man. Afin kɛ ɔ ´yo sɔ'n, wuun blɛ kasiɛn'n nian ju-man ka.

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Daniɛl 8:23

Kɛ famiɛn diwlɛ sɔ'n be ko sin ko wie, bɔ sran'm be sa tɛ yolɛ'n ɔ'a yo dan ɔ'a tratra su'n, famiɛn tutrefuɛ kun b'ɔ ti gblɛ kpɛfuɛ dan kpa'n ɔ wa ba.

Abakik 2:3

Ndɛ nga n ´kan be n ´kle wɔ yɛ'n, be yolɛ blɛ nian ju-man. Kannzɛ ɔ cɛ lele-ɔ ɔ ´cɛ ngbɛn, san i blɛ sɔ'n ´ju le. Man i li cɛ bɔ lele, sanngɛ fa wɔ wla gua su. I kwlaa b'ɔ yoli o, san i sɔ sa liɛ'n ɔ ´tɔ, ɔ su sɛn-mɛn i wun .

JÉSUS-CHRIST I DYASIN FE'N BO LUC KLELI'N 21:23

Blɛ sɔ'n nun'n, wunnzɛfuɛ nin bla ta'm be ´wun be nyrun! Afin nyrɛnnɛn'n ɔ ´yo dan mɛn nga nun, yɛ Nyanmiɛn ´fa ya sran nga'm bé wun.

Sa nglô yile 1:1

Fluwa nga nun be kan sa nga ɔ cɛ kaan be wa yo'n, bɔ Nyanmiɛn fa wlali Jésus-Krist sa nun kɛ ɔ fa kle i sran mun'n i ndɛ. Krist sunmɛnnin i anz'n, ɔ wa yili be nglo kleli Zan b'ɔ ti i sran'n.

Sa nglô yile 10:7

Kɛ anz nso su'n i awɛ liɛ'n i bolɛ'n ko ju'n, sa nga Nyanmiɛn fiali i sran'm be nyrun'n b'ɔ kan kleli i sran bɔ be ti i nuan ijɔfuɛ'n ɔ ´kpɛn su .

Sa nglô yile 11:18

Ya kunnin mɛnmɛnfuɛ mun, yɛ ɔ kusu ɔ ya falɛ'n nin be nga be wuli'n be jɔlɛ dilɛ'n ɔ'a ju. Ɔ sran bɔ be ijɔ ɔ́ nuan'n nin be nga be ti ɔ liɛ'n, bɔ be sro wɔ'n, sɛ be ti sran bɔ be lɛ nyrun o, sɛ be lɛ-man nyrun o, cɛn nga a ´yo be mo'n ɔ'a ju. Cɛn nga a ´nunnun be nga be saci asiɛ'n ɔ'a ju .»

Sa nglô yile 15:1

I sin n wunnin abonuan sa sroesroe dan kun ekun nyanmiɛn su lɔ. N wunnin anz nso bɔ nyrɛnnɛn kasiɛn nso'n wo bé sa nun'n. Afin be liɛ sɔ'n yɛ ɔ ti sa nga Nyanmiɛn yo i ya su'n i atabo nin-ɔn .

Sa nglô yile 17:17

Afin Nyanmiɛn yɛ ɔ seli be kɛ be yo i bɔbɔ Nyanmiɛn i klun sa nin-ɔn, i wan kɛ bé bo yo kun be fa be famiɛn'n man nnɛn'n lele san ndɛ nga i bɔbɔ Nyanmiɛn kannin'n ɔ'a kpɛn su.