Daniɛl 8:15 - NYANMIƐN NDƐ'N 1998

¹⁵ «Blɛ bɔ m bɔbɔ min Daniɛl n ´nian aolia nun ninnge sɔ'n, bɔ n kunndɛ kɛ n ´si i bo'n, n ´wun i-ɔ like kun ti kɛ sran sa ɔ wa jrannin min nyrun lɛ.

Daniɛl 8:15 ပူးပေါင်းရင်းမြစ်များ

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Daniɛl 10:16

Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Daniɛl 10:18

Kpɛkuun like nga n wunnin i b'ɔ ti kɛ klɔ sran sa'n, ɔ kannin min ekun nan ɔ'a man min wunmiɛn.

Daniɛl 10:5

M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Daniɛl 12:8

M bɔbɔ min Daniɛl, n tili ndɛ sɔ mun, sanngɛ m'an wun-man be wlɛ. I sɔ ti nan m'an usɛ i kɛ: ‹?Nannan, sa sɔ'n i bo wa gua sɛ?›

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:1

«Kɛ famiɛn Bɛlsazar trannin bia'n su, i afuɛ nsan su'n, min bɔbɔ min Daniɛl, n wunnin aolia nun like uflɛ. Kɛ n wunnin klikli liɛ'n, i sin yɛ n wa wunnin ng'ɔ o yɛ'n ekun-ɔn.

Daniɛl 8:19

I sin ɔ seli min kɛ: ‹B'a sie blɛ kun bɔ Nyanmiɛn i ya'n ɔ wa jɔ, bɔ mɛn'n ɔ wa wie-ɔ. I sɔ blɛ'n i nun'n, sa nga be wa ju'n mun yɛ n wa tike be su n ´kle wɔ lɛ-ɔ.

Zakari 1:9

Yɛ n usɛli i kɛ: «?Min Min, nnɛn kpanngɔ sɔ'm be ti nguɛ nzɔliɛ?» Nan anz ng'ɔ nin min koko yalɛ'n ɔ'a se min kɛ yoo: «N wa kan kle wɔ.»

Matthieu 13:36

Kɛ ɔ yoli sɔ'n, nan ɔ'a yaci sran sɔ'm be lɛ a wlu awlo lɔ. I sɔnnzɔnfuɛ'm be wunngeli i wun lɛ nan b'a se i kɛ: «Kle ye nyanndra nga a buli i awie ijre b'ɔ o awie fie nun'n i bo.»

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Matthieu 24:30

Yɛ nzɔliɛ ng'ɔ kle kɛ m bɔ n kacili Sran'n n su ba'n, ɔ ´fite nyanmiɛn su lɔ, nvle-nvle'n kwlaa be ´bo awuyomo, be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, kɛ ɔ ´yo sɔ'n, min nyrun o ´yo nyannyan yɛ ɔ ´yo sro .

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

Marc 4:12

nan kɛ be niɛn i kpa'n, b'a wun-mɛn i, yɛ kɛ be ti i kpa'n, b'a wun-mɛn i wlɛ nan b'a sa-man be sin Nyanmiɛn wun, nan ɔ'a yaci-man bé wun sa'n ɔ'a cɛ-man be .»

Zozie 5:14

Sran sɔ'n tɛli i su kɛ: «N ti-man be wie fi, n ti Anannganman i alɛ kunfuɛ'm be su kpɛnngbɛn. N julɛ yɛ.» Yɛ Zozie tɔli utuli i nyin ase nan ɔ'a se i kɛ: «Min Min, ń su o ɔ nuan'n bo.»

Sa nglô yile 1:13

N wun like kun be afiɛn lɛ, ɔ fa sran, tralɛ tɛnndɛn kun wlɛ i wun, tralɛ sɔ'n ɔ kpɛn i ja ngbabua'n su, yɛ sika ɔkwlɛ kplo ci i wue'n nun .

Sa nglô yile 13:18

Nga liɛ'n ɔ fata kɛ be nyan ngwlɛlɛ nan b'a wun i wlɛ. Sran ng'ɔ si ngwlɛlɛ'n, ɔ kwla wun like nuan ng'ɔ ti nnɛn'n i dunman'n i wlɛ, afin i like nuan sɔ'n, sɛ be kle-ɔ ɔ ti sran dunman. Be klɛ like sɔ'n kɛ ya-nsiɛn-ablesiɛn-nin-nsiɛn.