Daniɛl 8:14 - NYANMIƐN NDƐ'N 1998

¹⁴ Anz klikli'n tɛli su kɛ: ‹Ɔ fata kɛ nglɛmun nin nnɔsua, nglɛmun nin nnɔsua sɔ lele akpi nnyɔn ya nsan (2.300) be sin kwlaa nan Nyanmiɛn i tranwlɛ'n ɔ'a yo saun ekun.› »

Daniɛl 8:14 ပူးပေါင်းရင်းမြစ်များ

Bo Bolɛ 1:5

Nyanmiɛn flɛli lika ng'ɔ kpaja'n kɛ wia nun. Ɔ flɛli aosin'n kusu kɛ kɔnguɛ. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn klikli'n yɛ ɔ o lɛ-ɔ.

Ezai 1:27

Zerizalɛm i sa b'ɔ yo i i nuan su'n ti, ɔ ´fite nun. Yɛ i nunfuɛ'm bɔ be kaci be nzuɛn'n, be ´nyan be ti mmla bɔ be fa su'n ti.

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Daniɛl 12:11

Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 12:12

Be nga be jran kekle nan be minndɛ cɛn akpi kun cɛn ya nsan cɛn ablasan-nin-nnun'n (1.335) be liɛ su ti ye.

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 8:26

Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Galasifuɛ Mun 3:8

Yɛ be boli su Nyanmiɛn Ndɛ nga be klɛli'n nun kɛ cɛn wie be nga be ti-man Zuif bɔ be lafi Nyanmiɛn su'n, ɔ ´bu be sran kpa, ɔ man ɔ boli ndɛ fɛ sɔ'n su kleli Abraam, ɔ seli i kɛ: «Ɔ ti'n, n ´yo nvle-nvle'm be kwlaa be nunfuɛ'm be ye .»

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .

Sa nglô yile 13:5

Be mɛnnin i atin kɛ ɔ ´ijɔ kpakpa, yɛ ɔ ´saci Nyanmiɛn dunman. Yɛ be mɛnnin i atin kɛ ɔ ´sie anglo ablanan-nin-nnyɔn .