Daniɛl 8:13 - NYANMIƐN NDƐ'N 1998

¹³ N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Daniɛl 8:13 ပူးပေါင်းရင်းမြစ်များ

Jue Mun 74:10

?Ee Nyanmiɛn, cɛn onin ko yɛ ɔ kpɔfuɛ'n ɔ ´yaci ɔ safle wɔlɛ-ɔ? ?Nan kɛ ɔ ´saci ɔ wun sa tititi?

Jue Mun 74:9

E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Jue Mun 79:5

?Anannganman cɛn onin ko yɛ a ´yaci ya tantrantan nga a fɛ i e wun nin-ɔn? ?Cɛn onin ko yɛ é ti kwla b'ɔ a si'n i su ya b'ɔ yra kɛ sin sa'n, ɔ ´jaso e su-ɔ?

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 6:11

Yɛ n usali kɛ: «?Anannganman, lele cɛn onin yɛ sa sɔ'm be ´wie-ɔ?» Yɛ ɔ tɛli su kɛ: «Ɔ ´yo sɔ lele san klɔ'm be ´wie saci. Ɔ ´yo sɔ lele san klɔ mun nin sua'm be nun sran'm be ´wie, san asiɛ ng'ɔ sacili'n i su ´tɔ koun.»

Ezai 63:18

E bɔ e ti ɔ nvle'n nunfuɛ mun'n, e trannin mɛn nga nun wa blɛ kaan sa. E kpɔfuɛ'm be sacili ɔ sua'n.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 12:11

Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 12:8

M bɔbɔ min Daniɛl, n tili ndɛ sɔ mun, sanngɛ m'an wun-man be wlɛ. I sɔ ti nan m'an usɛ i kɛ: ‹?Nannan, sa sɔ'n i bo wa gua sɛ?›

Daniɛl 4:10

N tɛ la min bɛ'n su lɛ, kpɛkuun n ´wun i-ɔ, anz kun fin Nyanmiɛn su lɔ su jra.

Daniɛl 4:13

I sran ngwlɛlɛ'n wa kaci, ɔ wa yo kɛ nnɛn'm be liɛ'n sa. Ɔ ´kɛ i sɔ'n nun lele afuɛ'n nso.

Daniɛl 4:23

Waka'n i afiɛn flolo nga be waan be `yaci i i olui'n su lɛ'n, i bo yɛlɛ kɛ a wa kaci famiɛn ekun blɛ bɔ a ko si kɛ Nyanmiɛn bɔ like fi nun-mɛn i sin'n yɛ ɔ ti siefuɛ'n.

Daniɛl 7:16

N wunngeli sran nga be o lɛ'n be nun kun wun lɔ, yɛ n seli i kɛ ɔ `tu like nga n wunnin i lɛ'n i bo kle min. Yɛ ɔ tuli i bo kleli min-ɔn. Ɔ seli kɛ:

Daniɛl 7:23

Sa sɔ'n, i bo nga bɔ sran sɔ'n ɔ tu kleli min'n yɛ ɔ o yɛ. I waan: ‹Nnɛn'n i nnan su'n ɔ ti famiɛn diwlɛ nnan su'n i nzɔliɛ. Famiɛn diwlɛ sɔ'n, b'ɔ ti asiɛ'n su wa liɛ'n ɔ nin famiɛn diwlɛ kun nga'm be wie fi ti-man kun. Ɔ wa di asiɛ wunmuan'n, ɔ ´tiatia su kɛ be tiatia like su'n sa, yɛ ɔ ´saci i.

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

JÉSUS-CHRIST I DYASIN FE'N BO LUC KLELI'N 10:22

N Si yɛ ɔ fali like'n kwlaa mannin min-ɔn. Sran fi si-man Nyanmiɛn Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si kle i'n, i yɛ ɔ si i-ɔ.»

JÉSUS-CHRIST I DYASIN FE'N BO LUC KLELI'N 21:20

«Kɛ amun ´wun kɛ sonja'm b'a sin a yia Zerizalɛm'n, an `si kɛ i sacilɛ a ju.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

1 Tɛsalonikfuɛ Mun 3:13

Kɛ ɔ ko yo sɔ'n, ɔ man amun ´nyan anwlɛn, yɛ kɛ e Min Jésus nin i sran'm be kwlaa be ´ba'n, e Si Nyanmiɛn ´wun kɛ an ti i liɛ klonglonglo bɔ be kwla saci-man amun wun kaan sa!

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

Jude 1:14

Yɛ Enɔk b'ɔ ti Adam i osu-osu'n nso su'n i nun sran kpɛnngbɛn'n ɔ kannin sa ng'ɔ wa tɔ be su'n i ndɛ. Ɔ seli kɛ: «N wunnin e Min'n nin i anz akpi-akpi kpanngban kpa be bali ,»

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»

Jɔlɛ Difuɛ Mun 13:18

Anannganman i anz'n tɛli i su kɛ: «?Ɔ yo sɛ ti yɛ a usa min dunman-an? Ɔ ti nvialiɛ nun like .»