Daniɛl 8:10 - NYANMIƐN NDƐ'N 1998

¹⁰ Ɔ ti nyanman lele toli nyanmiɛn su lɔfuɛ'm be lɔ, ɔ yili be nun kpanngban be ase. Ɔ yili nzraama wie'm be ase. Ɔ tiatiali lɔfuɛ ɔ nin nzraama sɔ'm be su .

Daniɛl 8:10 ပူးပေါင်းရင်းမြစ်များ

Ezai 14:13

A seli ɔ klun lɔ kɛ: «N ´fu lele n ju nyanmiɛn su lɔ. N ´fa min famiɛn bia'n n ´sie i Nyanmiɛn i nzraama'm be su nglo. N ´ko tran oka bɔ ninnge nga be su be'n be kwlakwla be yia su'n i su. N ´ko tran be oka su'n wie.

Zeremi 48:26

«Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Daniɛl 11:28

Kɛ Siri famiɛn'n ɔ ´sɛ i sin i mɛn'n nun lɔ'n, ɔ ´fa anyanbeun ninnge kpanngban kpa yɛ ɔ ´kɔ-ɔ. I klun su jɔ-man Nyanmiɛn i nvle'n nun sran'm be wun. Ɔ man ɔ ´bu be sacilɛ akunndan. Ɔ ´saci be nan ɔ'a sɛ i sin ɔ'a wɔ i mɛn'n nun.

Daniɛl 11:30

Sran wie'm be ´fin wia atɔliɛ lɔ, be ´ba mmeli nun, be nin i be wa kun. I sa sin ɔ ´bubu i, kpɛkuun ɔ ´sɛ i sin. Ɔ wa fa ya dan kpa ekun. Ɔ ´fɛ i ya'n ɔ gua Nyanmiɛn i nvle'n nun sran'm bé su. Sanngɛ ɔ nin be nga be ´jaso Nyanmiɛn i sin'n, bé bo ´yo kun.

Daniɛl 7:7

N tɛ wun ninnge mun kɔnguɛ sɔ'n. N ´nian-an, nnɛn'n i nnan su'n yɛ ɔ o yɛ. I sroesroe liɛ'n, ɔ kun srɛ dan, yɛ i fanngan b'ɔ lɛ i'n, be wun-man like bɔ be fa sunnzun i-ɔ. I je'm be ti kɛ blalɛ sa, be ti sa glaunglaun, yɛ ɔ fa titi ninnge'm be nun-ɔn. Kpɛkuun ɔ di be yɛ ɔ tiatia i onga'n su. Ɔ nin nnɛn klikli nsan'm be wafa ti-man kun mlɔnmlɔn. I wɛ liɛ'm be ti blu.

Daniɛl 8:7

N ´wun i-ɔ, ɔ'a si bua nene'n ɔ jin i su ɔ su bo i, ɔ bubuli i wɛ nnyɔn mun. Ɔ suli bua nene'n yili i ase. Bua nene sɔ'n kwla jrɛn-mɛn i nyrun mlɔnmlɔn. Ɔ tiɛtiɛli i su. Sran fi ɔ'a kwla de-mɛn i i sa nun.

Sa nglô yile 12:4

Nzraama bɔ be bubuli be nun akpasua nsan'n, i lua'n kannin be akpasua kun guali asiɛ wun wa . Dragɔn dan sɔ'n jrannin bla'n bɔ ɔ'a tran awuliɛ'n i nyrun lɛ nan sɛ ɔ wu ba-a ɔ ´di.