Daniɛl 7:9 - NYANMIƐN NDƐ'N 1998

⁹ «N tɛ nian, kpɛkuun n ´wun i-ɔ, b'a siesie famiɛn bia mun. Kpɛkuun sran oke kun wa trannin ase su. I wun tralɛ'n fɛn fitafita kɛ jese fɔkɔ sa, yɛ i timuɛn'n ti ufue kɛ bua ndrɛ bɔ like fi sanngan-man nun'n sa. I famiɛn bia'n ti nyannyan kɛ sin taaman sa. Bia sɔ'n i ja'm be ti kukluuklu, be jue kɛ sin dan wie sa .

Daniɛl 7:9 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

2 Be Nyoliɛ 18:18

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be o i fama su nin i bɛ su. Amun `tie ndɛ ng'ɔ kannin'n.

Jue Mun 45:8

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ man Nyanmiɛn b'ɔ ti ɔ Nyanmiɛn'n ɔ fali wɔ b'ɔ guali ɔ su be klun jɔlɛ ngo nin-ɔn. Ɔ yacili ɔ wiengu'm be lɛ ɔ fali wɔ .

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Jue Mun 93:2

Anannganman, nán ndɛ sa yɛ ɔ famiɛn bia'n ti takawa-a. A o lɛ titi.

Ezai 6:1

Afuɛ nga bɔ famiɛn Ozias wuli nun'n, n wunnin Anannganman, ɔ ti famiɛn bia kun b'ɔ ti nglo-nglo kpa'n su. I tralɛ dan'n i nuan'n ɔ bubu gua asiɛ wun yɛ ɔ yi i sua dan'n .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 49:38

N ´ko taka min famiɛn bia'n Elam klo'n nun. N ´nunkun be famiɛn'n nin be awlo lɔ sran dandan mun.» Anannganman'n yɛ ɔ kan sɔ-ɔ .

Ezekiɛl 1:26

Like sɔ'n, like kun o su, ɔ yo kɛ yɛbuɛ kpa bɔ be flɛ safir'n sa. Yɛ ɔ fa famiɛn bia. Yɛ like b'ɔ ti kɛ sran sa'n, ɔ ti like b'ɔ ti kɛ famiɛn bia sa'n su .

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:22

Sanngɛ kɛ bian oke'n bali'n, ɔ wa dili jɔlɛ, kpɛkuun Nyanmiɛn bɔ like fi nun-mɛn i sin'n i nvle nunfuɛ'm be ndɛ yoli fɛ. Kɛ i blɛ'n ɔ juli'n, Nyanmiɛn i nvle nunfuɛ'm be nyannin famiɛn diwlɛ'n.

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Abakik 1:12

Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Matthieu 28:3

I wun'n kpaja kɛ nyanmiɛn i sin b'ɔ kpa'n sa, yɛ i tralɛ'n fɛn fitafita kɛ nyanmiɛn ufue sa.

Marc 9:3

I tralɛ'n kacili ufue nyɛnnyɛnnyɛn bɔ ninnge kpufuɛ fi nun-man asiɛ'n su wa b'ɔ kwla kpu ninnge ɔ fɛn ju sɔ-ɔ.

Sa nga bé yôli'n 2:30

Kɛ ɔ ti Nyanmiɛn nuan ijɔfuɛ b'ɔ si kɛ ɔ tɛ i nda kɛ ɔ yo man i osufuɛ'm be nun kun wa trɛn i bia'n su'n ,

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

1 Jean 1:5

Ndɛ nga i Wa'n kan kleli ye'n, bɔ e ´kan kle amun'n yɛ: «Nyanmiɛn ti nyannyannyan, aosin'n kwla mɛntɛn-mɛn i mlɔnmlɔn.»

Sa nglô yile 1:14

I ti'n fɛn fuaii kɛ bua ndrɛ sa, ɔ fɛn ufue fitafita kpa. I nyinma'n be sɔ kɛ sin sa,

Sa nglô yile 19:18

Famiɛn mun, nin sonja sasufuɛ mun, nin safunyrɛn mun, nin nnɛn kpanngɔ mun, nin nnɛn kpanngɔ fufuɛ mun, nin sran'm be kwlaa, diewa mun o, kanga mun o, be bɔ be lɛ-man nyrun mun o, be bɔ be lɛ nyrun mun o, an `bla be wa di be kwlaa sɔ'm be nnɛn'n.»

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .

Sa nglô yile 4:2

Kpɛkuun, Nyanmiɛn Wawɛ'n jrali min su nan m'an wun aolia nun like. N ´nian nyanmiɛn su lɔ-ɔ, bia kun o lɔ sran kun ti su .