Daniɛl 7:26 - NYANMIƐN NDƐ'N 1998

²⁶ I sin'n, nyanmiɛn su lɔ jɔlɛ difuɛ'm be ´yia, kpɛkuun be ´de nnɛn sɔ'n i sa nun kwlalɛ'n, be ´saci kwlalɛ sɔ'n, yɛ be su wun-mɛn i kun.

Daniɛl 7:26 ပူးပေါင်းရင်းမြစ်များ

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 7:22

Sanngɛ kɛ bian oke'n bali'n, ɔ wa dili jɔlɛ, kpɛkuun Nyanmiɛn bɔ like fi nun-mɛn i sin'n i nvle nunfuɛ'm be ndɛ yoli fɛ. Kɛ i blɛ'n ɔ juli'n, Nyanmiɛn i nvle nunfuɛ'm be nyannin famiɛn diwlɛ'n.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

Sa nglô yile 11:13

Be osu kunngba sɔ'n nun, asiɛ'n kejeli dan kpa, klɔ'n i bue kan bubuli, sran akpi nso (7.000) be wuli asiɛ'n i kejelɛ sɔ'n ti. Srɛ kunnin be wie mun kusu nan b'a manman Nyanmiɛn b'ɔ o nyanmiɛn su lɔ'n.

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»