Daniɛl 7:24 - NYANMIƐN NDƐ'N 1998

²⁴ I wɛ blu'm be ti famiɛn blu, be ´fin famiɛn diwlɛ sɔ'n nun. Kun ekun wa jaso su. I liɛ'n, ɔ nin klikli liɛ'm be ti-man kun. Ɔ ´kan famiɛn nsan be ase .

Daniɛl 7:24 ပူးပေါင်းရင်းမြစ်များ

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 2:41

A wunnin kɛ like sɔ'n i ja ngbabua nin i ja mma'm be bue ti wufa, yɛ be bue ti blalɛ. I bo'n yɛlɛ kɛ famiɛn sɔ'n i mɛn b'ɔ sie i'n i nun wa bubu. Sanngɛ i sielɛ sɔ'n i bue wa yo cinnjinnjin kɛ blalɛ sa, afin a wunnin kɛ blalɛ nin wufa be sanngan-sanngan nun.

Daniɛl 7:20

N usɛli i wɛ blu bɔ be o i ti'n su'n bé wun ndɛ. Yɛ n usɛli i wɛ kun'n b'ɔ fili b'ɔ yoli man laa liɛ be nun nsan be tutu guali'n i wun ndɛ ekun. I wɛ sɔ'n ɔ lɛ nyinma, ɔ kan wun tulɛ ndɛ mun. Kɛ be wun i'n, ɔ yo kɛ ɔ yo sro tra be nga mun.

Daniɛl 7:23

Sa sɔ'n, i bo nga bɔ sran sɔ'n ɔ tu kleli min'n yɛ ɔ o yɛ. I waan: ‹Nnɛn'n i nnan su'n ɔ ti famiɛn diwlɛ nnan su'n i nzɔliɛ. Famiɛn diwlɛ sɔ'n, b'ɔ ti asiɛ'n su wa liɛ'n ɔ nin famiɛn diwlɛ kun nga'm be wie fi ti-man kun. Ɔ wa di asiɛ wunmuan'n, ɔ ´tiatia su kɛ be tiatia like su'n sa, yɛ ɔ ´saci i.

Sa nglô yile 12:3

Abonuan sa kun ekun fiteli nglo nyanmiɛn su lɔ. Dragɔn ɔkwlɛ sroesroe dan kpa kun o lɛ, i ti'n ti nso, yɛ i wuɛ'n ti blu, sika kle o i ti nso sɔ'm bé su .

Sa nglô yile 13:1

N wunnin nnɛn kun, ɔ fin jenvie'n nun fiteli. I ti'n ti nso, i wuɛ'n ti blu, i wuɛ blu sɔ'n, sika kle o be su. Be klɛli Nyanmiɛn finfin yolɛ dunman i ti sɔ'm be su.

Sa nglô yile 17:3

Nyanmiɛn Wawɛ jrali min su, yɛ ɔ yo n kɛ anz'n kun ɔ'a man min su ɔ'a ɔ aawlɛ flɛnnɛn wie nun sa. Yɛ n wunnin bla kun, ɔ ti nnɛn ɔkwlɛ kun su. Nnɛn sɔ'n be klɛli Nyanmiɛn finfin yolɛ dunman mun i wun, i ti'n ti nso yɛ i wuɛ'n ti blu.