Daniɛl 7:22 - NYANMIƐN NDƐ'N 1998

²² Sanngɛ kɛ bian oke'n bali'n, ɔ wa dili jɔlɛ, kpɛkuun Nyanmiɛn bɔ like fi nun-mɛn i sin'n i nvle nunfuɛ'm be ndɛ yoli fɛ. Kɛ i blɛ'n ɔ juli'n, Nyanmiɛn i nvle nunfuɛ'm be nyannin famiɛn diwlɛ'n.

Daniɛl 7:22 ပူးပေါင်းရင်းမြစ်များ

Jue Mun 149:5

Man Anannganman i sufuɛ nanwlɛfuɛ'm bé wun nyrɛn be. Man be yi i ayɛ. Sɛ be ´la kɔnguɛ bɔbɔ-ɔ, be `bo be sro be `yi be aklunjuɛ'n i nglo.

Ezai 63:4

Afin ɔ o min anwlɛn'n nun kɛ n ´tu min klunngbɔ cɛn kun. Blɛ'n ɔ'a ju kɛ n de min sran mun.

Daniɛl 7:18

I sin Nyanmiɛn bɔ like fi nun-mɛn i sin'n i nvle'n nunfuɛ'm be wa fa famiɛn diwlɛ'n man be. Ɔ ´ka bé sa nun tititi .›

Daniɛl 7:23

Sa sɔ'n, i bo nga bɔ sran sɔ'n ɔ tu kleli min'n yɛ ɔ o yɛ. I waan: ‹Nnɛn'n i nnan su'n ɔ ti famiɛn diwlɛ nnan su'n i nzɔliɛ. Famiɛn diwlɛ sɔ'n, b'ɔ ti asiɛ'n su wa liɛ'n ɔ nin famiɛn diwlɛ kun nga'm be wie fi ti-man kun. Ɔ wa di asiɛ wunmuan'n, ɔ ´tiatia su kɛ be tiatia like su'n sa, yɛ ɔ ´saci i.

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 5:10

Ɔ man b'a kaci e Nyanmiɛn'n i awlo sran bɔ be trɛn i nyrun. Be yɛ be ´sie sran mun asiɛ'n su wa-a .»