Daniɛl 7:15 - NYANMIƐN NDƐ'N 1998

¹⁵ «Min Daniɛl, mín wla boli min wun. Min aolia nun ninnge sɔ bɔ n wunnin be'n be wlali min srɛ kpa.

Daniɛl 7:15 ပူးပေါင်းရင်းမြစ်များ

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Zeremi 17:16

Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Daniɛl 10:16

Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 2:3

Ɔ seli be kɛ: «N cɛnnin laliɛ kun, ɔ'a bo mín wla dan kpa, i sɔ ti n klo kɛ amun kanngan laliɛ sɔ'n be kle min.»

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 7:1

Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:2

Kɛ n ´cɛn laliɛ'n, n ´wun i-ɔ, n wo Sizi b'ɔ ti Elam akpasua'n i famiɛn klɔ'n su, n wo nzue nga be flɛ i Ilai'n i nuan lɛ.

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

2 Piɛr 1:14

Afin n si kɛ ɔ cɛ kaan n ´wu, kɛ e Min Jésus-Krist kan kleli n sɔ-ɔ.