Daniɛl 7:13 - NYANMIƐN NDƐ'N 1998

¹³ Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:13 ပူးပေါင်းရင်းမြစ်များ

Jue Mun 110:2

Anannganman man ɔ sielɛ'n ɔ fɛ i Siɔn lele ɔ trɛ ɔ mmua kpa. Man ɔ fanngan'n ɔ kwla ɔ kpɔfuɛ mun.

Jue Mun 2:8

Sɛ ɔ waan n fa mɛnmɛn mun m `man wɔ'n, sɛ ɔ waan n fa asiɛ'n i lika'n kwlaa n `fa man wɔ'n, kan nan n fa man wɔ, be ´yo ɔ liɛ.

Jue Mun 47:5

Ɔ kpali e lika b'ɔ ti e aja like'n mannin ye. Lika sɔ'n, ɔ ti e bɔ e ti Zakɔb i nvle'n nunfuɛ bɔ Nyanmiɛn klo ye'n e anyrunnyan like .

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Ezekiɛl 1:26

Like sɔ'n, like kun o su, ɔ yo kɛ yɛbuɛ kpa bɔ be flɛ safir'n sa. Yɛ ɔ fa famiɛn bia. Yɛ like b'ɔ ti kɛ sran sa'n, ɔ ti like b'ɔ ti kɛ famiɛn bia sa'n su .

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:12

Nnɛn kun nga'm be liɛ'n, be yili tinmin ng'ɔ o be nun, sanngɛ be ukali be nguan nyanman'n su lele ɔ fa dili le nnyɔn kun.

Daniɛl 7:2

Ɔ seli kɛ: «Kɔnguɛ kɛ n ´cɛn laliɛ'n, n wunnin kɛ aunngban'n ɔ fin mɛn'n i bue nnan'n su ba sa vuu yɛ ɔ wa fitali jenvie dan'n su.

Daniɛl 7:22

Sanngɛ kɛ bian oke'n bali'n, ɔ wa dili jɔlɛ, kpɛkuun Nyanmiɛn bɔ like fi nun-mɛn i sin'n i nvle nunfuɛ'm be ndɛ yoli fɛ. Kɛ i blɛ'n ɔ juli'n, Nyanmiɛn i nvle nunfuɛ'm be nyannin famiɛn diwlɛ'n.

Daniɛl 7:9

«N tɛ nian, kpɛkuun n ´wun i-ɔ, b'a siesie famiɛn bia mun. Kpɛkuun sran oke kun wa trannin ase su. I wun tralɛ'n fɛn fitafita kɛ jese fɔkɔ sa, yɛ i timuɛn'n ti ufue kɛ bua ndrɛ bɔ like fi sanngan-man nun'n sa. I famiɛn bia'n ti nyannyan kɛ sin taaman sa. Bia sɔ'n i ja'm be ti kukluuklu, be jue kɛ sin dan wie sa .

Daniɛl 8:15

«Blɛ bɔ m bɔbɔ min Daniɛl n ´nian aolia nun ninnge sɔ'n, bɔ n kunndɛ kɛ n ´si i bo'n, n ´wun i-ɔ like kun ti kɛ sran sa ɔ wa jrannin min nyrun lɛ.

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 24:30

Yɛ nzɔliɛ ng'ɔ kle kɛ m bɔ n kacili Sran'n n su ba'n, ɔ ´fite nyanmiɛn su lɔ, nvle-nvle'n kwlaa be ´bo awuyomo, be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, kɛ ɔ ´yo sɔ'n, min nyrun o ´yo nyannyan yɛ ɔ ´yo sro .

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Marc 13:26

I sin be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, min nyrun nyannyan ɔ yo sro.

JÉSUS-CHRIST I DYASIN FE'N BO LUC KLELI'N 21:27

Yɛ be ´wun M Bɔ N Kacili Sran'n kɛ n wo nyanmiɛn ble'n su n su ba , m ´ba yasua su, min nyrun nyannyan kɛ sɛnzɛ'n sa, ɔ yo sro.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Jean 12:34

Sran'm be usɛli i kɛ: «E kɛnngɛn i mmla'n nun kɛ Krist su wu-man mlɔnmlɔn. ?Sɛ ɔ ti sɔ'n, ɔ yo sɛ yɛ man a se kɛ san be ´man i b'ɔ kacili Sran'n i su nin-ɔn? ?Sran b'ɔ kacili sɔ'n yɛlɛ wan ?»

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 5:27

Yɛ ɔ fa jɔlɛ dilɛ'n wlɛli i Wa'n sa nun, afin i yɛ ɔ kacili Sran-an.

Sa nga bé yôli'n 7:56

Yɛ ɔ seli kɛ: «An `nian, n wun nyanmiɛn su lɔ kɛ ɔ ti tikewa, yɛ i b'ɔ kacili Sran'n ɔ jin Nyanmiɛn fama su.»

1 Tɛsalonikfuɛ Mun 4:17

i sin kɛ ɔ ko yo sɔ'n, e nga é nyin tɛ o su'n, Nyanmiɛn wa man e nin be e su nyanmiɛn ble'n nun, yɛ e ´ko kpa e Min'n i atin nglo lɔ. Kɛ ɔ ko yo sɔ'n, e nin e Min'n e ´tran manndimaan .

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Hébreu 2:14

Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.

Sa nglô yile 1:13

N wun like kun be afiɛn lɛ, ɔ fa sran, tralɛ tɛnndɛn kun wlɛ i wun, tralɛ sɔ'n ɔ kpɛn i ja ngbabua'n su, yɛ sika ɔkwlɛ kplo ci i wue'n nun .

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!

Sa nglô yile 14:14

Kɛ n toli mín nyin'n, n wunnin nyanmiɛn ufue wie, like kun ti su, like sɔ'n ti kɛ sran sa. Sika kle wo i ti, wlɔsɔ nnana kpa kun wo i sa nun .