Daniɛl 7:10 - NYANMIƐN NDƐ'N 1998

¹⁰ Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Daniɛl 7:10 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

2 Be Nyoliɛ 18:18

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be o i fama su nin i bɛ su. Amun `tie ndɛ ng'ɔ kannin'n.

Zɔb I Nyrɛnnɛn Wunlɛ 25:3

?Wan yɛ ɔ kwla si Nyanmiɛn i sonja i akpasua'm be nuan-an? ?Wan cɛ yɛ i lika weiin'n ɔ kpɛjɛ-mɛn i su wie-ɔ?

Jue Mun 103:21

Anz mun, amun bɔ amun ti i sufuɛ mun'n, bɔ an yo i klun sa'n, an `lɛ i ase.

Jue Mun 18:8

Ya dan b'ɔ kunnin Anannganman'n ti, asiɛ'n ɔ kejeli, oka'm be kusu be kejeli wie.

Jue Mun 50:3

E Nyanmiɛn'n su ba, ɔ muɛn-mɛn i nuan. Sin kun b'ɔ yra like kɔlikɔli'n dun mmua i nyrun, aunngban dan kun fita bo sin yiɛ i.

Jue Mun 68:17

?Amun bɔ amun sɔ ninnge mun oka bɔ i ti'm be sɔnnin'n su'n, onin yɛlɛ amun nyin bɔ amun fa blo be nga be sɔ Anannganman i oka b'ɔ kloli i'n b'ɔ fɛli i kɛ ɔ ´fa yo i tranwlɛ'n i wun'n? Anannganman ´tran lɛ titi.

Ezai 30:27

Amun `nian, Anannganman'n bɔbɔ fin mmua lɔ su ba. Ɔ'a fa ya dan kpa. Ndɛ ng'ɔ fin i nuan fite'n ti ya ndɛ, i nuan nun ndɛ'n ti kɛ sin sa.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 7:22

Sanngɛ kɛ bian oke'n bali'n, ɔ wa dili jɔlɛ, kpɛkuun Nyanmiɛn bɔ like fi nun-mɛn i sin'n i nvle nunfuɛ'm be ndɛ yoli fɛ. Kɛ i blɛ'n ɔ juli'n, Nyanmiɛn i nvle nunfuɛ'm be nyannin famiɛn diwlɛ'n.

Daniɛl 7:26

I sin'n, nyanmiɛn su lɔ jɔlɛ difuɛ'm be ´yia, kpɛkuun be ´de nnɛn sɔ'n i sa nun kwlalɛ'n, be ´saci kwlalɛ sɔ'n, yɛ be su wun-mɛn i kun.

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 12:22

Sanngɛ an bali Siɔn Oka'n i bo, an bali nyanmiɛn su Zerizalɛm liɛ'n b'ɔ ti Nyanmiɛn i klɔ'n bɔ anz akpi-akpi be o su'n su.

Jude 1:14

Yɛ Enɔk b'ɔ ti Adam i osu-osu'n nso su'n i nun sran kpɛnngbɛn'n ɔ kannin sa ng'ɔ wa tɔ be su'n i ndɛ. Ɔ seli kɛ: «N wunnin e Min'n nin i anz akpi-akpi kpanngban kpa be bali ,»

Sa nglô yile 11:18

Ya kunnin mɛnmɛnfuɛ mun, yɛ ɔ kusu ɔ ya falɛ'n nin be nga be wuli'n be jɔlɛ dilɛ'n ɔ'a ju. Ɔ sran bɔ be ijɔ ɔ́ nuan'n nin be nga be ti ɔ liɛ'n, bɔ be sro wɔ'n, sɛ be ti sran bɔ be lɛ nyrun o, sɛ be lɛ-man nyrun o, cɛn nga a ´yo be mo'n ɔ'a ju. Cɛn nga a ´nunnun be nga be saci asiɛ'n ɔ'a ju .»

Sa nglô yile 5:11

N niannin lɔ ekun, yɛ n tili anz kpanngban kpa bɔ be ju akpi-ngbingbi'n be nɛn. Be sin yia bia'n nin like nga be ti kɛ nnɛn sa'n, ɔ nin kpɛnngbɛn mun .