Daniɛl 7:1 - NYANMIƐN NDƐ'N 1998

¹ Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Daniɛl 7:1 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 46:2

Kpɛkuun Nyanmiɛn kannin ndɛ aolia nun kleli i. Ɔ flɛli i, i waan: «Zakɔb! Zakɔb!» Zakɔb waan: «M'an sro!»

Zɔb I Nyrɛnnɛn Wunlɛ 4:13

Kɔnguɛ'n, laliɛ nun blɛ bɔ akunndan'm b'a yo sukusuku'n, bɔ lafilɛ dan ɔ ´tɔ sran'm be su'n, yɛ n tili-ɔ.

Ezai 30:8

Anannganman seli Ezai kɛ: «Klɛ ndɛ sɔ mun like kun su. Yɛ klɛ be fluwa kun nun. Klɛ be Zerizalɛmfuɛ'm be nyrun lɛ. Klɛ nan ɔ `ka lɛ tititi, nan ɔ `yo lalofuɛ cɛn wie.»

Ezai 8:1

Anannganman seli min kɛ: «Fa like paplapa dan kun nan klɛ su weiin man be wun i. Klɛ su kɛ: ‹Be `fɛn ninnge'n ndɛndɛ, be `kan bé wun be `ko fa ninnge'n.› »

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Zeremi 27:7

Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Zeremi 36:32

Yɛ Zeremi kunndɛli fluwa uflɛ ɔ fa mannin Neriza i wa Barik b'ɔ ti fluwa klɛfuɛ nin-ɔn. Zeremi ´kan ndɛ'n, wuun ɔ ´klɛ. Ɔ klɛli ndɛ ng'ɔ o fluwa klikli bɔ Zozakim yrɛli i'n nun'n. Ɔ klɛli i kwlakwla, kpɛkuun ɔ klɛli ndɛ wafa kunngba sɔ'n wie mun ukali su.

Zeremi 36:4

Yɛ Zeremi flɛli Barik b'ɔ ti Neriza i wa nin-ɔn. Ndɛ nga Anannganman'n kannin'n, Zeremi kɛnnin i kwlaa kpan. Ɔ ´kan'n, wuun Barik ´klɛ.

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Ezekiɛl 40:2

Aolia nun'n, Nyanmiɛn mannin min su ɔli Izraɛl mɛn'n nun. Ɔ ko sieli min oka kendenglein kpa kun i ti su. I bue ng'ɔ kaci mɛn'n i ngua lɔ'n, sua'm be o lɛ, be ti kɛ klɔ wie sa.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 2:26

Famiɛn'n usali Daniɛl bɔ be flɛ Bɛltsazar'n kɛ: «?A ´kwla kanngan laliɛ nga n cɛnnin'n kle min, yɛ a kwla tu i bo?»

Daniɛl 4:13

I sran ngwlɛlɛ'n wa kaci, ɔ wa yo kɛ nnɛn'm be liɛ'n sa. Ɔ ´kɛ i sɔ'n nun lele afuɛ'n nso.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 5:1

Cɛn kun famiɛn Bɛlsazar yiɛli i sran dandan kɔe akpi kɛ be ko di like. Ɔ nɔnnin nzan be kwlaa be nyrun lɛ.

Daniɛl 5:22

Yɛ wɔ Bɛlsazar bɔ a ti i wa'n, a si i kwlaa sɔ'n kpan, sanngɛ a kan-man ɔ́ wun ase mlɔnmlɔn.

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:15

«Min Daniɛl, mín wla boli min wun. Min aolia nun ninnge sɔ bɔ n wunnin be'n be wlali min srɛ kpa.

Daniɛl 7:7

N tɛ wun ninnge mun kɔnguɛ sɔ'n. N ´nian-an, nnɛn'n i nnan su'n yɛ ɔ o yɛ. I sroesroe liɛ'n, ɔ kun srɛ dan, yɛ i fanngan b'ɔ lɛ i'n, be wun-man like bɔ be fa sunnzun i-ɔ. I je'm be ti kɛ blalɛ sa, be ti sa glaunglaun, yɛ ɔ fa titi ninnge'm be nun-ɔn. Kpɛkuun ɔ di be yɛ ɔ tiatia i onga'n su. Ɔ nin nnɛn klikli nsan'm be wafa ti-man kun mlɔnmlɔn. I wɛ liɛ'm be ti blu.

Daniɛl 8:1

«Kɛ famiɛn Bɛlsazar trannin bia'n su, i afuɛ nsan su'n, min bɔbɔ min Daniɛl, n wunnin aolia nun like uflɛ. Kɛ n wunnin klikli liɛ'n, i sin yɛ n wa wunnin ng'ɔ o yɛ'n ekun-ɔn.

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Abakik 2:2

Kpɛkuun Anannganman'n tɛli min su kɛ: «Sa nga n su wa yi be nglo n kle wo yɛ'n, klɛ be tɛbua bue kanngan'm be su kɛ ɔ ko yo nan b'a kwla kanngan be weiin'n ti.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

2 Korɛntfuɛ Mun 12:1

Kannzɛ bé nuan dilɛ'n ti-man kpa'n, sanngɛ n tɛ yo, yɛ like nga e Min'n man n wunnin be aolia nun'n nin sa nga ɔ yi be nglo kleli min'n, n ´kan be ndɛ.

Sa nglô yile 1:19

I sɔ'n ti, klɛ like nga a wunnin be bɔ be o lɛ kɛ e ´se yɛ'n, nin nga cɛn wie lele be ´yo'n.

Sa nglô yile 10:4

Kɛ ɔ sɔli su sɔ'n, min wan n ´klɛ, sanngɛ n tili sran kun nɛn nyanmiɛn su lɔ, sran sɔ'n seli n kɛ: «Kɛ nyanmiɛn'n kplali kpɛ nso'n, ndɛ ng'ɔ kannin'n, fia su, nán klɛ.»