Daniɛl 6:8 - NYANMIƐN NDƐ'N 1998

⁸ Akpasua su kpɛn'm be kpɛn mun, nin prefe mun, nin siefuɛ mun, nin wɔ afɔtuɛ manfuɛ mun, ɔ nin kpɛnngbɛn kun nga mun be yiali, yɛ be kwlaa be waan a `kpɛ mmla kun nan sran'm be kwlaa be `ti. Be waan a `se kɛ: ‹Sran kwlakwla nga b'ɔ yaci wɔ bɔ a ti famiɛn'n wɔ lɛ, nan ɔ ko ijɔ i bɔbɔ i amuɛn wie su annzɛ ɔ ko manman sran uflɛ'n, man be fɛ i sɔfuɛ'n be to yi i asɔmɔli'm be sin kunman'n nun lɔ.›

Daniɛl 6:8 ပူးပေါင်းရင်းမြစ်များ

Ɛstɛr 1:19

Ɔ man i ti'n, nannan, n tu wɔ kpli, sɛ a klo'n, kan ndɛ kun man be bo i jɔ sin, man ɔ kaci Pɛrsfuɛ mun nin Medifuɛ'm be mmla nga be kaci i-ɔ, ɔ yo-man ye'n be nun kun. Ndɛ sɔ'n, klɛ i kɛ nán Vasti ju ɔ nyrun kun nan w'a kunndɛ bla uflɛ b'ɔ ti kpa trɛ i'n w'a fa sin i osu.

Ɛstɛr 3:12

Anglo klikli'n i le blu-nin-nsan su'n, be flɛli famiɛn'n i fluwa klɛfuɛ mun nan b'a nian ndɛ nga Aman kannin'n su b'a klɛ fluwa b'a ko man famiɛn i ja nunfuɛ mun nin akpasua'm be su siefuɛ mun, ɔ nin nvle'm be su kpɛnngbɛn mun. Fluwa sɔ mun'n, be niannin akpasua'm be fluwa klɛlɛ wafa'm be su yɛ be klɛli be-ɔ, yɛ be niannin nvle'm be kwlaa be aniɛn'm be su yɛ be klɛli be-ɔ. Fluwa sɔ'n, famiɛn Asieris dunman nun yɛ be klɛli be-ɔ, yɛ i nga'n i nzɔliɛ'n wo su.

Ɛstɛr 8:10

Be fali famiɛn Asieris dunman'n yɛ be klɛli fluwa nin-ɔn, yɛ be fɛli i nzɔliɛ'n be sieli su. Be fali fluwa sɔ'n mun be wlali sran nga be fu awa nnɛn kpanngɔ'm be su'n be sa nun kɛ be fa ɔ. Nnɛn kpanngɔ sɔ'm be fin famiɛn'n i awlo lɔ.

Ɛstɛr 8:3

Ɛstɛr kannin ndɛ kleli famiɛn'n ekun. Ɔ bubu guali asiɛ wun gblo! Ɔ kotoli famiɛn'n bo, ɔ sunnin nan ɔ'a srɛ i kɛ ɔ yaci nan klunwi sa nga Aman b'ɔ ti Agag osu nunfuɛ'n guguli kɛ be ´fa yo Zuif mun'n, nán man ɔ kplin su!

Ɛstɛr 8:8

Nan sanngɛ fluwa nga b'a fa famiɛn'n i dunman'n b'a klɛ bɔ b'a fɛ i nga i nzɔliɛ b'a fa sie su'n, be kaci i-ɔ, ɔ yo-man ye, ɔ man amun bɔbɔ amun `klɛ fluwa nga amun nian-an, ɔ ko ti Zuif'm bé wun nyanman nun'n, amun `fa min dunman'n be klɛ, yɛ amun `fa min nga i nzɔliɛ'n be sie su.»

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 6:12

Be nga be kpɔ i'n be ɔli ndɛndɛ be ko toli i. Kɛ be ´kɔ'n, wuun ɔ o Nyanmiɛn srɛlɛ nin i manmanlɛ'n su.

Daniɛl 6:15

Kɛ famiɛn'n tili ndɛ sɔ'n, i wla boli i wun kpa, ɔ guguli i klun lɔ kɛ ɔ ´de Daniɛl. Lele bɔ wia'n ´fa tɔ'n, ɔ kunndɛli i nun yacilɛ'n i wun ngwlɛlɛ.

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»