Daniɛl 6:4 - NYANMIƐN NDƐ'N 1998

⁴ Daniɛl i junman ng'ɔ di'n ɔ trɛ i wiengu nnyɔn'm be liɛ'n yɛ ɔ tra akpasua'm bé su kpɛn'm be kpɛnngbɛn'm be kwlaa be liɛ'n. Afin wawɛ ng'ɔ o i nun'n i dan tra be liɛ'n. I sɔ'n ti, famiɛn waan ɔ ´fɛ i fa sie i famiɛn diwlɛ wunmuan'n su.

Daniɛl 6:4 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

Bo Bolɛ 43:18

Kɛ be ´fa be ´wlu Zozɛf i awlo lɔ'n, srɛ kpa'n kɛ ɔ kun be sa. Be waan: «Kɛlɛ e klikli balɛ nun'n, sika nga be fa wlali e bajɛ'm be nun'n ti yɛ be su fa e be ´kɔ yɛ. Nga, be wa tɔ e su be ´yo e kpokokpoko, be ´fa e be ´yo be kanga, be ´de ye aflunmun mun.»

Nyanndra Mun 29:27

Nanwlɛfuɛ'm be klo-man gblɛfuɛ'm bé sa. Klunwifuɛ'm be kusu, be klo-man sran kpa'm bé sa.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 18:23

Anannganman, ɔ bɔbɔ a si cicilɛ nga b'a cici kɛ be ´kun min'n. I sɔ'n ti sɛ be yi ɔ kpatalɛ tɛ'n, nán sɔ nun. Nán nunnun bé sa tɛ'n nan ɔ jaso ɔ nyrun lɛ. Nán be kwla jran ɔ nyrun. Man bé wun ya tran ɔ klun tititi.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 29:7

An `kunndɛ klɔ nga n trali amun ɔli su'n i kpa yolɛ. An `srɛ Anannganman'n be mɛn i. Afin sɛ ɔ nyan muae'n yɛ amun kusu amun ´nyan wie-ɔ.› »

Daniɛl 3:8

I sin, ɔ'a cɛ-man bɔbɔ, Babilɔnifuɛ wie'm be ko dili Zuif'm bé bo abla kleli famiɛn'n.

Daniɛl 5:12

Sran sɔ'n bɔ be flɛ i Daniɛl b'ɔ si tɔnnin i dunman kɛ Bɛltsazar be wunnin kɛ wawɛ ng'ɔ o i nun'n nin sran nga'm be liɛ'n ti-man kun. Afin ɔ wun sa'm be wlɛ, ɔ si ngwlɛlɛ, ɔ kwla tutu laliɛ'm be bo, ɔ tu nyanndra nun sa'm be bo, yɛ ɔ yiyi nvialiɛ nun sa'm be nun. Man be ko flɛ Daniɛl sɔ'n bɔ famiɛn'n tɔnnin i dunman kɛ Bɛltsazar'n be bla. Ɔ wa tutu fluwa nga be klɛli'n i bo.»

Daniɛl 6:22

Yɛ Daniɛl tɛli i su kɛ: «Nannan, man wie wla fi wɔ!

Matthieu 26:4

kɛ be ´kunndɛ ngwlɛlɛ wafa nga be ´fa tra Jésus be kun i'n.

Matthieu 27:18

Afin ɔ si kɛ bé nyin b'ɔ ci Jésus'n ti yɛ be fɛ i ko mɛnnin i-ɔ.

JÉSUS-CHRIST I DYASIN FE'N BO LUC KLELI'N 20:20

Ɔ man be sɛsɛ i, be sunmannin sran wie'm be kɛ be ko kplɛ i nian, sran sɔ'm be yoli bé wun kɛ sran nanwlɛfuɛ mun sa, be waan be ´tie i nuan bo ndɛ, nan be ´fɛ i man jɔlɛ difuɛ mun nin kpɛnngbɛn'n.

JÉSUS-CHRIST I DYASIN FE'N BO LUC KLELI'N 20:26

B'a kwla nyan-man ndɛ fi bɔ be ´jran su trɛ i nzra nun lɛ-ɔ, sanngɛ kɛ ndɛ ng'ɔ kan kleli be'n boli bé nuan'n ti'n, be guali bliin.

JÉSUS-CHRIST I DYASIN FE'N BO LUC KLELI'N 22:2

Nyanmiɛn nyrun jranfuɛ dandan mun nin mmla klefuɛ mun be kunndɛli sa wafa nga be ´yo nan b'a nyan Jésus aamiɛn b'a kun i'n yɛlɛ kɛ srɛ kunnin be sran'm bé wun.

Jean 19:4

Pilat fiteli ekun ɔ wa seli Zuif'm be kɛ: «An `nian, m ma fɛ i blɛ amun guasu wa nan an wun kɛ m'an wun-mɛn i wun ndɛ kun bɔ n ´jran su fa bu i fɔ-ɔ.»

2 Korɛntfuɛ Mun 11:12

Like nga n yo'n, n ´yo i kwlaa sɔ'n titi nan be nga be kunndɛ kɛ sran'm be bu kɛ be nin ye sɛ'n, n ´fa gua bé nyin ase.

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.

Jɔlɛ Difuɛ Mun 14:4

I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

1 Samiɛl 12:4

Be tɛli i su kɛ: «W'a di-man e lufle. W'a yo-man e sa b'ɔ ti-mɛn i su-ɔ. W'a de-man like fi sran sa nun.»

1 Samiɛl 18:14

David kusu like kwlaa nga i sa kɛn i'n ɔ yo ye kpan, afin Anannganman nin i o nun.

1 Samiɛl 22:14

Asimelɛk tɛli famiɛn'n su kɛ: «?Ɔ sufuɛ'm be nun onin yɛ be lafi i su kɛ David sa-a, ɔ yo ye-ɔ? Ɔ ti ɔ sia, i nyin yi wɔ. Wɔ awlo wa sran'm be kwlaa be bo i dunman kpa.