Daniɛl 6:3 - NYANMIƐN NDƐ'N 1998

³ Be sieli akpasua'm bé su kpɛn'm bé su kpɛnngbɛn nsan. Daniɛl ti be nsan sɔ'm be nun kun. Be yɛ akpasua-akpasua kunngun'm bé su kpɛn'm be wa kan be junman'n i su ndɛ mun kle be-ɔ, kɛ ɔ ´yo nan akpasua-akpasua'm b'a kwla di-man famiɛn'n i lufle'n ti.

Daniɛl 6:3 ပူးပေါင်းရင်းမြစ်များ

Ɛsdras 4:22

Nán amun kpa sa sɔ'n i yolɛ'n su mlɔnmlɔn kɛ ɔ ´yo nan b'a kle-man e famiɛn'm be yalɛ'n ti.»

Neemi 7:2

N sieli min niaan Anani ɔ nin Anania Zerizalɛm klɔ'n su kpɛnngbɛn. Anania ti sran kun b'ɔ nanti klanman, yɛ i nyin yi Nyanmiɛn tra sran sunman.

Ɛstɛr 10:3

Asieris mɛn'n nun'n, Mardose yɛ ɔ mɛntɛnnin i-ɔ. I niaan Zuif'm be kwlaa be buli i sran, yɛ be kloli i sa. Like ng'ɔ ko yo nan i nvlefuɛ'm b'a nyan ye nin fɔundi'n, ɔ yoli.

Nyanndra Mun 17:27

Sran nga b'ɔ si ngwlɛlɛ'n, ɔ klo-man ijɔlɛ kaka'n. Ngwlɛlɛfuɛ'n ´kan ndɛ-ɔ, ɔ bu i sin nan ɔ'a kan.

Nyanndra Mun 22:29

Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Akunndanfuɛ'n 2:13

N wunnin kɛ ngwlɛlɛ silɛ'n ti kpa tra sinnzin yolɛ'n, kɛ lika ng'ɔ kpaja ti kpa tra aosin'n sa.

Daniɛl 5:12

Sran sɔ'n bɔ be flɛ i Daniɛl b'ɔ si tɔnnin i dunman kɛ Bɛltsazar be wunnin kɛ wawɛ ng'ɔ o i nun'n nin sran nga'm be liɛ'n ti-man kun. Afin ɔ wun sa'm be wlɛ, ɔ si ngwlɛlɛ, ɔ kwla tutu laliɛ'm be bo, ɔ tu nyanndra nun sa'm be bo, yɛ ɔ yiyi nvialiɛ nun sa'm be nun. Man be ko flɛ Daniɛl sɔ'n bɔ famiɛn'n tɔnnin i dunman kɛ Bɛltsazar'n be bla. Ɔ wa tutu fluwa nga be klɛli'n i bo.»

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 9:23

Kɛ a boli ɔ srɛlɛ'n bo cɛ'n, be kannin ndɛ kun, m bali kɛ n wa kan ndɛ sɔ'n n ´kle wɔ. Afin a ti Nyanmiɛn i anwlɛn su sran. Mian ɔ nyin nan wun ndɛ sɔ'n i wlɛ nan wun aolia nun sa nga i bo.