Daniɛl 6:28 - NYANMIƐN NDƐ'N 1998

²⁸ I yɛ ɔ de sran-an, i yɛ ɔ yo man sran kwla nyɛn i ti-ɔ. Nglo lɔ o, asiɛ'n su wa o, i yɛ ɔ yi atrɛ yɛ ɔ yo abonuan sa mun-ɔn. I yɛ ɔ deli Daniɛl asɔmɔli'm bé sa nun nin-ɔn.»

Daniɛl 6:28 ပူးပေါင်းရင်းမြစ်များ

2 Be Nyoliɛ 36:22

Kɛ Siris b'ɔ ti Pɛrs mɛn'n i famiɛn'n trannin bia'n su'n, i afuɛ klikli nun'n, Anannganman waan ɔ ´yo nan ndɛ ng'ɔ fa wlali i nuan ijɔfuɛ Zeremi nuan kɛ ɔ kan'n, i nuan `yia. Ɔ dili junman famiɛn Siris i akunndan'n nun. Ɔ suli i bo man ɔ boli ndɛ kun jɔ sinnin kan ɔ sie ju lɛ'n i lika'n kwlaa. I sin'n, ɔ klɛli fluwa nannannin su. Ɔ klɛli i kɛ

2 Be Nyoliɛ 36:23

«M bɔbɔ min Siris bɔ n ti Pɛrs famiɛn'n, min waan yoo: ‹Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm lɔ Zida nvle'n nun. Amun nun sran nga be ti Nyanmiɛn i nvle'n nunfuɛ'n, man Nyanmiɛn jran be sɔfuɛ'm bé sin nan be wɔ.› »

Jue Mun 77:15

Nyanmiɛn, wɔ yɛ a yo abonuan sa mun-ɔn. A kleli nvle kun nga'm be kɛ a kwla.

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Zeremi 32:20

A yili atrɛ, a yoli abonuan sa mun Ezipt mɛn'n nun lɔ laa. Kɛ e ´se yɛ'n kusu, Izraɛl mɛn'n nun o, asiɛ wunmuan'n su o, a yoli man ɔ dunman'n ɔ'a fu kekleke.

Daniɛl 1:21

Daniɛl suli famiɛn'n lele juli afuɛ nga Siris yoli famiɛn'n i nun .

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»