Daniɛl 6:24 - NYANMIƐN NDƐ'N 1998

²⁴ Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Daniɛl 6:24 ပူးပေါင်းရင်းမြစ်များ

2 Famiɛn Mun 14:6

sanngɛ ɔ'a kun-man sran kunfuɛ sɔ'm be mma mun. Ɔ niannin ng'ɔ ti klɛwa Moiz i mmla fluwa'n nun'n su . Fluwa sɔ nun'n, Anannganman kɛnnin i kɛ: «Sɛ ba'm be yo sa tɛ'n, nán be kun bé si mun, sɛ kusu siɛ'm be yo sa tɛ'n, nán be kun be mma mun. Sanngɛ man sran kun wu i bɔbɔ i sa tɛ'n i nuan.»

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Jue Mun 54:5

Aofuɛ wie'm b'a jaso mín wun, sran wlɛfuɛ wie'm be waan be ´kun min. Ɔ ndɛ'n ti-man be ndɛ.

Nyanndra Mun 11:8

Nyrɛnnɛn'n ɔ san klun-ufuefuɛ'n i wun, kpɛkuun klunwifuɛ'n ɔ'a ko kpɛn i osu.

Nyanndra Mun 19:9

Lalofuɛ ng'ɔ bua ato'n, san be ´tu i fɔ. Gblɛfuɛ'n i bɔbɔ wun mlinlɛ yɛ ɔ mlin-ɔn.

Ezai 38:13

M muannin mín nuan lele aliɛ'n cɛnnin. Anannganman ɔ'a bubu min owie'n kwlaa nun kɛ asɔmɔli sa. Anannganman, kɛ lele bɔ lika'n ´fa dun'n, wuun w'a wiewie min.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Daniɛl 3:22

Kɛ bɔ famiɛn'n jrannin i mmla ng'ɔ mannin'n i su dan'n ti be wlawlali sin'n nun, ɔ man ɔ loli trali su. I sɔ'n ti, sonja nga be fa Sadrak nin Mesak, ɔ nin Abɛd-Nego be ko yi be fur bɔ sin'n wo nun nun'n, sin taaman'n ɔ yrali be bɔbɔ nan ɔ'a kun be.

Mmla'n 24:16

Ɔ fata-man kɛ sa tɛ bɔ sran kun ɔ'a yo'n ti, be kun i si, annzɛ sɛ siɛ'n kusu yɛ ɔ yoli sa'n, ɔ fata-man kɛ be kun i wa'n i ti. Sran ng'ɔ yo sa tɛ'n, i bɔbɔ yɛ ɔ fata kɛ be kun i-ɔ .