Daniɛl 6:23 - NYANMIƐN NDƐ'N 1998

²³ Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Daniɛl 6:23 ပူးပေါင်းရင်းမြစ်များ

1 Famiɛn Mun 5:7

Salomɔn i prefe blu-nin-nnyɔn mun, be yɛ be mɛn i aliɛ ng'ɔ nin i awlofuɛ'm be di nin-ɔn. Prefe kun man like anglo kun, prefe kun man like anglo kun. Kɛ ɔ ko to sran kun'n, i wafa ng'ɔ ko yo nan ninnge'n kwlakwla ti ɔ'a yia'n yɛ ɔ yo-ɔ.

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

2 Be Nyoliɛ 20:20

Kɛ i aliɛ cɛnnin'n, nglɛmun ndɛ kpa'n, be jasoli be fali Tekoa aawlɛ flɛnnɛn'n i atin'n. Kɛ be wa kɔ'n, Zozafat jaso jrannin nan ɔ'a kan ndɛ ng'ɔ o yɛ'n ɔ'a kle be. I waan: «Zerizalɛmfuɛ mun nin Zidafuɛ mun, amun `tie ndɛ nga n kan'n! Amun `fa amún wla'n gua Anannganman amun Nyanmiɛn'n su kpa, yɛ ɔ ´man amun fanngan. Amun `fa amun wla'n guɛ i nuan ijɔfuɛ'm be su, yɛ amun wa kwla amun kpɔfuɛ mun.»

Jue Mun 18:21

Sɛsɛ bɔ n ti'n, i nuan akatua yɛ Anannganman tuali min-ɔn. Sa tɛ bɔ m'an yo-man'n, i nuan like yɛ ɔ mannin min-ɔn.

Jue Mun 37:40

Anannganman uka be, ɔ de be. Ɔ de be klunwifuɛ'm bé sa nun, ɔ man be fite nun, afin be fia i nun.

Ezipt Lɔ Tulɛ'n 18:9

Zetro klun jɔli, sa kpakpa nga bɔ Anannganman yoli mannin Izraɛlfuɛ mun, ɔ nin delɛ nga ɔ deli be Eziptfuɛ'm be sa nun'n ti.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 3:25

Yɛ ɔ seli be kɛ: «Sanngɛ n wun sran nnan sin'n nun lɔ. Nyanman fi ci-man be yɛ be su wlan-wlan sin'n nun. Like fi yo-man be. Sran ng'ɔ tian be su nnan'n, kɛ a wun i sa'n, ɔ waan Nyanmiɛn su lɔ sran-an .»

Daniɛl 6:14

Yɛ be seli famiɛn'n ekun kɛ: «Daniɛl b'ɔ ti kanga bɔ be ko fali be Zida lɔ bali'n be nun kun'n, i nyin yi-man ɔ, yɛ ɔ bu-man ɔ mmla nga a fali ɔ́ sa ti nzɔliɛ'n sieli su'n i like fi. Aliɛ ba kun nun ɔ srɛ i Nyanmiɛn'n kpɛ nsan.»

Daniɛl 6:18

Be fali yɛbuɛ kun be katali kunman i nuan'n su, famiɛn'n ɔ fɛli i sa nuan'n sieli su . I sran dandan'm be yoli i sɔ wie. Kɛ ɔ ko yo nan sran wie ɔ'a sin-man lɛ ɔ'a yi-man Daniɛl'n annzɛ ɔ'a kun-mɛn i'n, i ti yɛ be yoli i sɔ-ɔ.

Marc 9:23

Yɛ Jésus seli i kɛ: «A se n kɛ, sɛ a kwla yo'n…nian, sran ng'ɔ lafi Nyanmiɛn su'n ɔ kwla sa'n kwla yo.»

Hébreu 11:33

Nyanmiɛn su bɔ be lafi'n ti, be kwla nvle mun, be yo sa ng'ɔ ti i nuan su'n, be nyan like nga Nyanmiɛn waan ɔ ´man be'n, be cici asɔmɔli'm bé nuan,