Daniɛl 6:11 - NYANMIƐN NDƐ'N 1998

¹¹ Kɛ Daniɛl tili i kɛ famiɛn ɔ'a mɛn i sɔ mmla'n, ɔ ɔli i awlo lɔ. Ɔ fuli nglo sua'n nun, ɔ tikeli i fenɛtri nga be kpɛli be Zerizalɛm bue liɛ'n su lɔ'n. Aliɛ ba kun nun'n, ɔ koto srɛ Nyanmiɛn kpɛ nsan, yɛ ɔ mɛnmɛn i. Ɔ yoli i kɛ ɔ fa yo i titi'n sa .

Daniɛl 6:11 ပူးပေါင်းရင်းမြစ်များ

1 Famiɛn Mun 8:48

Kɛ be o be kpɔfuɛ nga be trali be lomuɛn'n be mɛn'n nun lɔ'n, sɛ be tu be klun be kpata wɔ sakpa'n, sɛ be kpɛ bé nyin mɛn nga a fa mannin be nannan mun'n, nin klɔ nga a kpali'n, ɔ nin sua nga n kplan m mannin wɔ'n bé wun wa nan be srɛ wɔ'n,

Jue Mun 10:9

Ɔ bu sa kplɛ kɛ asɔmɔli wie bɔ ɔ'a sɛ i kunman nuan'n sa. Nyrɛnnɛnfuɛ'n yɛ ɔ kunndɛ i nan ɔ ´trɛ i-ɔ. Ɔ kɛnkɛn i ko yi i tɛ nun, kpɛkuun ɔ'a trɛ i.

Jue Mun 119:164

Aliɛ ba kun nun'n, m manman wɔ kpɛ nso sa nga a kan be'n bɔ be ti su'n ti.

Jue Mun 28:2

Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

Zeremi 51:50

Amún nga kusu bɔ b'a nyan-man amun b'a kun-man amun'n, an `wanndi be wɔ, nán an ka amun osu'n nun lɛ. Sanngɛ kan kwlaa bɔ amun wo'n, nán amún wla fi Anannganman'n. Man Zerizalɛm i ndɛ lo amun.»

Daniɛl 6:6

Sran sɔ'm be seli bé wun kɛ: «E su nyan-man sa kun bɔ e ´jran su nan y'a fa bu Daniɛl i fɔ-ɔ, san i Nyanmiɛn ng'ɔ su i'n, i mmla nun yɛ e ´kwla nyan sa wie e ´jran su-ɔ .»