Daniɛl 5:8 - NYANMIƐN NDƐ'N 1998

⁸ Famiɛn'n i sa sifuɛ'm be bali, sanngɛ b'a kwla kanngan-man fluwa'n nan se kɛ i bo yɛ be ´tu-ɔ.

Daniɛl 5:8 ပူးပေါင်းရင်းမြစ်များ

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Ezai 47:9

Ɔ nyin bɔ a ´bo i bla-a, sa nnyɔn nga be o yɛ'n b'a ju wɔ su wia ba kunngba bo: ɔ mma'm be ´fi ɔ́ sa, yɛ a ´di angboti. Sa sɔ'm be ´ju ɔ su kekle kpa. Kannzɛ a ´yi wunnzue o, kannzɛ a ´di bae o, ngbɛn-ɔn !

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:4

Kɛ wunnzue yifuɛ fanunfanun'm be bali'n, n kannin min laliɛ'n n kleli be, sanngɛ be nun kun sa ɔ'a kwla tu-mɛn i bo ɔ'a kle-man min.

Daniɛl 4:7

Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Daniɛl 5:15

Be fali sa sifuɛ, nin wunnzue yifuɛ fanunfanun'm be blɛli min kɛ be wa kanngan fluwa nga nan be `tutu i bo kle min. Sanngɛ b'a kwla tutu-mɛn i bo.