Daniɛl 5:7 - NYANMIƐN NDƐ'N 1998

⁷ Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 5:7 ပူးပေါင်းရင်းမြစ်များ

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ezipt Lɔ Tulɛ'n 7:11

Famiɛn'n flɛli Ezipt mɛn'n nun akunndanfuɛ mun nin tinwafuɛ mun. Yɛ be kusu, be fali be tinmin'n be yili atrɛ kunngba sɔ'n wie-ɔ.

Nyanndra Mun 1:9

Afin ɔ ti ɔ bɔbɔ ɔ nyrunnyan. Ɔ ti kɛ njuaba yɛ ɔ wla ɔ kɔmin sa.

Ngɔjue Fɛfɛ Kpa'n 1:10

Wɔ asunmanndi man ɔ fuka'm be ti klanman lele tra su. Ɔ kɔmin nyanman man ɔ kɔmin'n ti klanman lele tra su.

Ezai 47:13

A kleli ɔ́ wun yalɛ yili wunnzue mun lele. Be nga be nian nyanmiɛn b'ɔ la nglo lɔ plaii'n su be yi wunnzue'n, be nga be nian nzraama'm be su be yi wunnzue'n, be nga be nian anglo su be yi wunnzue'n, man be yi bé wun nglo nan be de wɔ.

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Ezekiɛl 16:11

N wlali wɔ be sa kɔmin nun nga. N wlali wɔ kɔmin nyanman kɛ n fa ´di wɔ talua.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Daniɛl 2:2

Ɔ yiali wunnzue yifuɛ fanunfanun'm be kwlaa kɛ be wa kɛnngɛn i laliɛ'm be kle i. Be bali yɛ be wa sin jrɛnnin i nyrun lɛ-ɔ.

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 2:6

Sɛ kusu amun bɔbɔ amun kanngan laliɛ'n, nan amun tu i bo be gua su'n, n ´cɛ amun ninnge kpakpa, yɛ amun ´nyan nyrun dan kpa. I sɔ'n ti, amun `kanngan laliɛ sɔ'n nan amun `tu i bo be gua su.»

Daniɛl 4:14

Anz mun yɛ be kan ndɛ nga-a, kɛ ɔ ´yo nan be kwlaa nga be nyin o su'n b'a si kɛ Nyanmiɛn b'ɔ o nglo-nglo lɔ'n yɛ ɔ sie sran'm be famiɛn diwlɛ mun'n ti. Sran kwlaa nga i klun klo kɛ ɔ ´fa famiɛn bia'n ´fa mɛn i'n, yɛ ɔ fa mɛn i-ɔ. Ɔ kwla man sran'm be nun aunnvuɛfuɛ kpa'n i su bɔbɔ.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:15

Be fali sa sifuɛ, nin wunnzue yifuɛ fanunfanun'm be blɛli min kɛ be wa kanngan fluwa nga nan be `tutu i bo kle min. Sanngɛ b'a kwla tutu-mɛn i bo.

Daniɛl 5:16

N tili i kɛ ɔ liɛ'n, a kwla tutu nyanndra nun sa'm be bo, yɛ a kwla yiyi nvialiɛ nun sa'm be nun. Sɛ a kwla kanngan fluwa nga be klɛli i yɛ'n nan a tu i bo kle min'n, be ´kla ɔ wun famiɛn kondro ɔkwlɛ kankankan, be ´wla ɔ kɔmin sika ɔkwlɛ njuaba, kpɛkuun a wa yo min mantanfuɛ'm be nsan su.»

Daniɛl 5:29

Be ja nun lɛ Bɛlsazar seli i sufuɛ'm be kɛ be `kla Daniɛl i famiɛn kondro ɔkwlɛ kankankan nan be `fa sika ɔkwlɛ njuaba be wlɛ i kɔmin. Ɔ kɛnnin i ekun kɛ ɔ'a fɛ i ɔ'a yo i mantanfuɛ'm be nsan su.

Kalɛ 22:17

Afin n wa yo man a nyan nyrun dan kpa. Like kwlaa nga ɔ waan n `yo man wɔ'n, n ´yo. Bla, n ´srɛ wɔ, bla wa bo nvle nga i sannzan man min.»

Kalɛ 22:7

Kɛ Moab kpɛnngbɛn nin Madian kpɛnngbɛn'm be ´kɔ'n, be fali like kɛ be ´ko di Balaam b'ɔ ti wunnzue yifuɛ'n i nɛnnɛn. Kɛ be toli Balaam lɔ'n, be kannin Balak i nuan su ndɛ'n kleli i.

Kalɛ 24:11

Kɔ siɛn'n, kɔ ɔ klɔ. N seli wɔ kɛ n wa man wɔ anyrunnyan, sanngɛ Anannganman ɔ'a kplin-man su kɛ a nyan nyrun sɔ'n.»

1 Samiɛl 17:25

Be waan: «?Amun wun sran ng'ɔ ´ba lɛ'n? E klɔklɔlɛ ti yɛlɛ nga b'ɔ ´tiatia ba lɛ'n. Sran ng'ɔ kun i'n, famiɛn'n ´man ɔ nyɛn i wun, ɔ ´fɛ i wa bla'n mɛn i kɛ ɔ jɛ i. Yɛ kusu i osufuɛ'm be ´nyan bé ti lapo tualɛ'n nun.»