Daniɛl 5:5 - NYANMIƐN NDƐ'N 1998

⁵ I osu kunngba sɔ'n nun'n, be ´nian-an sran sa yɛ ɔ o kannin siewlɛ'n wun koko yɛ. Ɔ su klɛklɛ like wie famiɛn'n i sua'n i talɛ'n bɔ be kɛnnin i ayre ufue'n su. Famiɛn'n wunnin sran sa'n b'ɔ su klɛ like'n.

Daniɛl 5:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:5

sran ng'ɔ bu-man Nyanmiɛn like fi'n, i anyrunnyan'n ɔ kɔ-man mmua, i aklunjuɛ'n cɛ-man? ?Yɛ a si-man ekun kɛ sran nga i nyin yi-man Nyanmiɛn'n, i klun jɔ-man kɔ-man mmua ?

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Daniɛl 4:31

Nɛbikadnɛzar waan: «Kɛ afuɛ nso nga be kleli'n juli'n, m mannin mín nyin'n su n niannin nyanmiɛn su lɔ, kpɛkuun min klɔ sran ngwlɛlɛ'n ɔ sɛli i sin i osu'n nun kɛ laa'n sa. N yoli Nyanmiɛn bɔ like fi nun-mɛn i sin'n b'ɔ o lɛ tititi'n i kwla, m mɛnmɛnnin i, yɛ n kannin i anyrunnyan'n i wun ndɛ kpa. I kwlalɛ'n lɛ-man awieliɛ, i sielɛ'n wo lɛ tititi.

Daniɛl 4:33

Blɛ sɔ'n nun yɛ min klɔ sran ngwlɛlɛ'n ɔ sɛli sin i osu'n nun-ɔn. Be fali min sieli famiɛn bia'n su ekun, n nyannin nyrun kɛ laa'n sa, yɛ be buli min sran kɛ laa'n sa. Min afɔtuɛ manfuɛ'm be nin min junman difuɛ dandan'm be usali min osu. Be sieli min famiɛn ekun, yɛ min nyrun nga n nyɛnnin i'n, ɔ yoli dan trali laa liɛ'n.

Daniɛl 5:15

Be fali sa sifuɛ, nin wunnzue yifuɛ fanunfanun'm be blɛli min kɛ be wa kanngan fluwa nga nan be `tutu i bo kle min. Sanngɛ b'a kwla tutu-mɛn i bo.

Daniɛl 5:4

Be kwlaa sɔ'm be nɔnnin nzan, ɔ tili be kpa, kpɛkuun be manmannin amuɛn nga be fali sika ɔkwlɛ, nin jɛtɛ ufue, nin aaba, nin blalɛ, nin waka, ɔ nin yɛbuɛ be yoli'n.

Daniɛl 5:6

Kpɛkuun i wunnɛn kplo'n ɔ kali lɛ kacili, srɛ kunnin i dan kpa. I ngbaliɛ'n kwlaa nyanjili i wun, siɛn'n i ja nannglunman'm be sisi be wiengu sa kpɛkpɛkpɛkpɛ.

Daniɛl 5:8

Famiɛn'n i sa sifuɛ'm be bali, sanngɛ b'a kwla kanngan-man fluwa'n nan se kɛ i bo yɛ be ´tu-ɔ.

Kolɔsfuɛ Mun 2:14

Ɔ nunnunnin mmla'n i nun ndɛ ng'ɔ ti é wun ndɛ b'ɔ man e di-man alaje'n. Ɔ guɛli i ase, ɔ ti kɛ ɔ boboli i waka'n su sa.