Daniɛl 5:29 - NYANMIƐN NDƐ'N 1998

²⁹ Be ja nun lɛ Bɛlsazar seli i sufuɛ'm be kɛ be `kla Daniɛl i famiɛn kondro ɔkwlɛ kankankan nan be `fa sika ɔkwlɛ njuaba be wlɛ i kɔmin. Ɔ kɛnnin i ekun kɛ ɔ'a fɛ i ɔ'a yo i mantanfuɛ'm be nsan su.

Daniɛl 5:29 ပူးပေါင်းရင်းမြစ်များ

Bo Bolɛ 41:42

Famiɛn'n yili i sama ti nga'n ɔ fa wlali Zozɛf sa. Ɔ fali lɛn tralɛ kplɔkɔɔ fa wlɛli i wun. Ɔ wlɛli i njuaba .

Ɛstɛr 10:3

Asieris mɛn'n nun'n, Mardose yɛ ɔ mɛntɛnnin i-ɔ. I niaan Zuif'm be kwlaa be buli i sran, yɛ be kloli i sa. Like ng'ɔ ko yo nan i nvlefuɛ'm b'a nyan ye nin fɔundi'n, ɔ yoli.

Nyanndra Mun 1:9

Afin ɔ ti ɔ bɔbɔ ɔ nyrunnyan. Ɔ ti kɛ njuaba yɛ ɔ wla ɔ kɔmin sa.

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 5:16

N tili i kɛ ɔ liɛ'n, a kwla tutu nyanndra nun sa'm be bo, yɛ a kwla yiyi nvialiɛ nun sa'm be nun. Sɛ a kwla kanngan fluwa nga be klɛli i yɛ'n nan a tu i bo kle min'n, be ´kla ɔ wun famiɛn kondro ɔkwlɛ kankankan, be ´wla ɔ kɔmin sika ɔkwlɛ njuaba, kpɛkuun a wa yo min mantanfuɛ'm be nsan su.»

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 6:2

Dariis sieli i famiɛn diwlɛ'n i akpasua'm bé su kpɛnngbɛn ya-kun-ablaɔn. Ɔ wunnin kɛ sɛ ɔ yo i sɔ-ɔ ɔ ti kpa. Sran sɔ mun yɛ be ´jran awa i nuan akpasua'm be su lɔ-ɔ.